బిహార్‌లో సందడి చేసిన ఐకాన్ స్టార్ అల్లు అర్జున్..

బిహార్: బిహార్ రాష్ట్రం పట్నాలో తెలుగు హీరో, ఐకాన్ స్టార్ అల్లు అర్జున్ సందడి చేశారు. పుష్ప-2 ట్రైలర్ రిలీజ్‌లో భాగంగా చిత్ర బృందం ఆ రాష్ట్రంలో సందడి చేసింది. దేశం మొత్తం తనపై చూపిస్తున్న అభిమానానికి పట్నా వేదికగా పుష్ప-2 ట్రైలర్‌ ఆవిష్కరణలో అల్లు అర్జున్ కృతజ్ఞతలు తెలిపారు. ఆయన హీరోగా నటించిన పుష్ప-2 చిత్రం డిసెంబర్‌ 5న విడుదల కానున్న నేపథ్యంలో చిత్ర యూనిట్ ప్రచార కార్యక్రమాలు ముమ్మరం చేసింది. ఈ మేరకు పట్నాలో ఆదివారం ట్రైలర్‌ను విడుదల చేసింది. ఈ కార్యక్రమానికి వేలాది మంది అభిమానులు హాజరయ్యారు. వారి సమక్షంలో ట్రైలర్‌ను విడుదల చేశారు చిత్ర బృందం. బిహార్ గవర్నమెంట్ 900 మంది పోలీసులు, 300 మంది ప్రైవేట్ సెక్యూరిటీని ట్రైలర్ లాంచ్‌కి ఇవ్వటం ఇదే మొదటిసారని స్థానిక అధికార వర్గాలు తెలుపుతున్నాయి. దాదాపు ఈ ఈవెంటుకి 25 వేల మంది ఫ్యాన్స్ హాజరయ్యారని తెలుస్తోంది.