Atmakuru: గురుకుల విద్యార్థులతో వెట్టిచాకిరి చేయిస్తున్న హాస్టల్ సిబ్బంది

ఆత్మకూరు: నెల్లూరు జిల్లాలోని ఆత్మకూరు గురుకుల పాఠశాలలో విద్యార్థులతో సిబ్బంది వెట్టిచాకిరి చేయిస్తున్నారు. పుస్తకాలు పట్టాల్సిన చేతులతో వంటతోపాటు, గదులు శుభ్రం చేయిస్తున్నారు. ఇదేంటని ఇంఛార్జ్ ప్రిన్సిపల్‌ను ఏబీఎన్ ప్రశ్నించగా.. నిర్లక్ష్య సమాధానం ఇచ్చారు. ఈ అంశంపై విద్యార్థి సంఘాలు తీవ్ర ఆగ్రహం వ్యక్తం చేస్తున్నాయి. కారకులపై చర్యలు తీసుకోవాలని ప్రభుత్వాన్ని డిమాండ్ చేస్తున్నాయి. అయితే విద్యార్థులు చపాతీలు కాల్చడం ఆనవాయితీగా వస్తోందని.. అన్ని గురుకులాల్లో ఇలాగే ఉంటుందని.. సొసైటీ నుంచి తమకు ఆదేశాలున్నాయని సిబ్బంది చెప్పడం గమనార్హం.