తెలియక తప్పు చేశా క్షమించండి: ఓ యువతి

తిరుపతి: తిరుమల కొండపై కొందరు చేస్తున్న పనులవల్ల భక్తుల మనోభావాలు దెబ్బతింటున్నాయి. ఆధ్యాత్మికత వెల్లివిరిసే పుణ్యక్షేత్రంలో కొందరు పిచ్చి పిచ్చి రీల్స్.. ఫోటో షూట్స్ చేసి అపవిత్రం చేస్తున్నారు. తాజాగా ఓ యువతి శ్రీవారి సన్నిధిలో రీల్స్ చేసి వివాదంలో చిక్కుకుంది. తిరుమల కొండకు దిగువన ఉన్న అలిపిరి గేట్ వద్ద ‘పుష్ప 2’ మూవీలోని ఐటమ్ సాంగ్‌కు డ్యాన్స్ వేస్తూ సోషల్ మీడియాలో అప్‌లోడ్ చేసింది. ఈ వీడియ్ సోషల్ మీడియాలో వైరల్‌గా మారడంతో భక్తులు ఆగ్రహం వ్యక్తం చేస్తున్నారు. ఆమెపై చర్యలు తీసుకోవాలని డిమాండ్ చేస్తున్నారు.

దీనిపై స్పందించిన ఆ యువతి టీటీడీ యాజమాన్యం, ఛైర్మన్‌, భక్తులకు క్షమాపణలు చెబుతూ ఓ వీడియో విడుదల చేసింది. తిరుమల క్షేత్రంలో రీల్స్ తీయకూడదని తెలియదని, తెలియక తప్పు చేశారని.. తన రీల్ ద్వారా భక్తుల మనోభావాలు దెబ్బతింటాయని తెలియదని.. వాతావరణం బాగుందని రీల్ చేశానని తెలిపింది. ఇలాంటి తప్పు మరోసారి చేయనని క్షిమించాలని ఆమె మరోసారి కోరింది. ఇంకా ఎవరూ శ్రీవారి సన్నిధిలో రీల్స్ చేయవద్దని ఆమె కోరింది.

ఈ వార్తలు కూడా చదవండి..

నెల్లూరు: డిప్యూటీ మేయర్ రూప్ కుమార్ లీలలు

ప్రభుత్వ చర్యలపై లోకాయుక్త సంతృప్తి

సీఎం చంద్రబాబుకు రామకృష్ణ లేఖ

బీఫ్ వినియోగంపై ప్రభుత్వం కీలక నిర్ణయం

Read Latest AP News and Telugu News

Read Latest Telangana News and National News

Read Latest Chitrajyothy News and Sports News