పాస్టర్‌ మృతిపై నిజానిజాలు వెల్లడించాలి
ABN , Publish Date - Apr 01 , 2025 | 12:39 AM
పాస్టర్‌ ప్రవీణ్‌ పగడాల అనుమానాస్పద మృతిపై రాష్ట్ర ప్రభుత్వం, పోలీసు శాఖ నిజానిజాలు వెల్లడించాలని పలు క్రైస్తవ సంఘాలకు చెందిన మత పెద్దలు డిమాండ్‌ చేశారు.
పాస్టర్‌ మృతిపై నిజానిజాలు వెల్లడించాలి
క్రైస్తవ సంఘాల పెద్దలు డిమాండ్‌
లబ్బీపేట, మార్చి31(ఆంధ్రజ్యోతి): పాస్టర్‌ ప్రవీణ్‌ పగడాల అనుమానాస్పద మృతిపై రాష్ట్ర ప్రభుత్వం, పోలీసు శాఖ నిజానిజాలు వెల్లడించాలని పలు క్రైస్తవ సంఘాలకు చెందిన మత పెద్దలు డిమాండ్‌ చేశారు. ఆల్‌ ఇండియా దళిత క్రిస్టియన్‌ పీస్‌ ఫోరం ఆధ్వర్యంలో బందర్‌ రోడ్డులోని ఒక హోటల్‌లో కృష్ణా, ఎన్టీఆర్‌ జిల్లాల్లోని పలు క్రైస్తవ సంఘాల మత పెద్దలు సమావేశం నిర్వహించారు. ఈ సందర్భంగా వారు మాట్లాడుతూ ప్రవీణ్‌ మృతిపై సమగ్ర దర్యాప్తు చేయాలని, అవసరమైతే న్యాయపోరాటం చేసేందుకు సిద్ధమని స్పష్టం చేశారు. ఈ మృతి కేసును ఛేదించాల్సిన బాధ్యత పోలీసు అధికారులది, ప్రభుత్వానిదేనని, రాష్ట్రంలో ఉన్న క్రైస్తవులపై ఎవరైనా దాడి చేస్తే సమీపంలోని పోలీస్‌ స్టేషన్‌లో ఫిర్యాదు చేయాలని అన్నారు. ఈ సమావేశంలో ఆల్‌ ఇండియా దళిత క్రిస్టియన్‌ ఫోరం అధ్యక్షుడు లంకా కరుణాకర్‌, మన్నా మినిస్ర్టిస్‌ అధినేత బిషప్‌ పి.స్పర్జన్‌ రాజు, పాస్టర్‌ భాస్కరరావు, ఏఆర్‌ స్టీఫెన్‌సన్‌, పాస్టర్‌ చాట్లలూధర్‌ ప్రశాంత్‌ పాల్గొన్నారు.
