చెరువు కింద వరినాట్లకు శ్రీకారం

ధర్మవరం, జనవరి 13(ఆంధ్రజ్యోతి): ధర్మవరం చెరువు ఆయకట్టు కింద రైతులు వరినాట్లు ప్రారంభించారు. గతంలో ఆ చెరువు ప్రధాన కాలువల పూడికతో పూర్తిగా నిండిపోయింది. ఐదేళ్లపాటు వైసీపీ పాలకులు దాని గురించి ఏ మాత్రం పట్టించుకోలేదు. దీంతో చెరువులో నీరున్నా.. కాలువల ద్వారా ఆయకట్టు పొలాలకు నీరు అందేది కాదు. కూటమి ప్రభుత్వం అధికారంలోకి రావడంతో.. ధర్మవరం నియోజకవర్గ టీడీపీ ఇనచార్జ్‌ పరిటాల శ్రీరామ్‌ ఆ సమస్యపై దృష్టి సారించారు. తన సొంత నిధులతో దాదాపు నెల రోజుల పాటు ఎక్స్‌కవేటర్లతో కాలువల్లో పూడిక తీయించారు. దీంతో ప్రధాన కాలువ ద్వారా నేడు నీరు ఆయకట్టుకు సంమృద్ధిగా అందుతోంది. దీంతో రైతులు వరినాట్లకు శ్రీకారం చుట్టారు.