మోదకొండమ్మ సన్నిధిలో స్పీకర్, డిప్యూటీ స్పీకర్ సతీమణులు
ABN , Publish Date - Apr 28 , 2025 | 11:14 PM
అసెంబ్లీ స్పీకర్ చింతకాయల అయ్యన్నపాత్రుడు సతీమణి పద్మావతి, డిప్యూటీ స్పీకర్ రఘురామకృష్ణరాజు సతీమణి రమాదేవి సోమవారం సాయంత్రం మోదకొండమ్మను దర్శించుకున్నారు.
పాడేరు, ఏప్రిల్ 28(ఆంధ్రజ్యోతి): అసెంబ్లీ స్పీకర్ చింతకాయల అయ్యన్నపాత్రుడు సతీమణి పద్మావతి, డిప్యూటీ స్పీకర్ రఘురామకృష్ణరాజు సతీమణి రమాదేవి సోమవారం సాయంత్రం మోదకొండమ్మను దర్శించుకున్నారు. ఇక్కడికి వచ్చిన వారిద్దరికీ టీడీపీ నియోజకవర్గ ఇన్చార్జి, మాజీ ఎమ్మెల్యే గిడ్డి ఈశ్వరి స్వాగతం పలికారు. ఈ సందర్భంగా వారిద్దరూ ప్రత్యేక పూజలు చేయించుకున్నారు. అనంతరం పద్మావతి, రామాదేవీలకు ఉత్సవ కమిటీ ప్రతినిధులు సల్లా రామకృష్ణ, కెజియారాణి, కొణతాల ప్రశాంత్, తదితరులు అమ్మవారి చిత్రపటాలను అందించి, శాలువాలు కప్పి సత్కరించారు. ఈ కార్యక్రమంలో మాజీ మంత్రి మణికుమారి, జీసీసీ డైరెక్టర్ బొర్రా నాగరాజు, తెలుగు మహిళా రాష్ట్ర ప్రధాన కార్యదర్శి బొర్రా విజయరాణి, జడ్పీ మాజీ చైర్పర్సన్ వంజంగి కాంతమ్మ, టీడీపీ నేతలు బూరెడ్డి నాగేశ్వరావు, అల్లంగి సుబ్బలక్ష్మ, డిప్పల కుమారి, తదితరులు పాల్గొన్నారు.
