విశాఖపట్టణం
వివాదాల నిలయం విశాఖ కేంద్ర కారాగారం
విశాఖపట్నం కేంద్ర కారాగారంలో అధికారులకు, సిబ్బందికి మధ్య కోల్డ్‌వార్‌ జరుగుతోంది. జైలు లోపలకు గంజాయి తీసుకువెళుతూ ఫార్మసిస్టు పట్టుబడినప్పటి నుంచి తరచూ ఏదో ఒక వివాదం తెరపైకి వస్తోంది. ఈ నేపథ్యంలో జైలులో ప్రక్షాళనపై ప్రభుత్వం దృష్టిసారించింది.
విమానాశ్రయం ప్రగతిపథం
విశాఖపట్నం విమానాశ్రయం నూతన సంవత్సరంలో కొత్త కబురు వినిపించబోతోంది. మల్కన్‌గిరి నుంచి విశాఖకు విమాన సర్వీస్‌ నడపడానికి ఒడిశా ప్రభుత్వం గ్రీన్‌సిగ్నల్‌ ఇచ్చింది. ఇండియా వన్‌ ఎయిర్‌ సంస్థ ఈ విమానం నడపనున్నది. త్వరలోనే ఈ సర్వీస్‌ ప్రారంభం కానుంది.
తెగ తాగారు
జిల్లాలో మద్యం వ్యాపారులకు న్యూ ఇయర్‌ అమ్మకాలు కిక్‌ ఇచ్చాయి. డిసెంబరు 31వ తేదీన రికార్డుస్థాయిలో రూ.10.77 కోట్ల విలువైన మద్యం అమ్ముడైంది. స్నేహితులతో కలిసి పార్టీ చేసుకునేందుకు చాలామంది 30నే మద్యం కొనుగోలు చేయడంతో ఆరోజు రూ.ఏడు కోట్ల సరకు అమ్మకాలు జరిగినట్టు అధికారులు అంచనా వేస్తున్నారు.
అవుట్‌ సోర్సింగ్‌ ఉద్యోగుల రిటైర్‌మెంట్‌ వయసుపై వివాదం
జీవీఎంసీలో అవుట్‌సోర్సింగ్‌ ఉద్యోగుల వయోపరిమితిపై వివాదం నెలకొంది. వైసీపీ హయాంలో ప్రభుత్వ ఉద్యోగుల పదవీ విరమణ వయస్సు 62 ఏళ్లకు పెంచారు. అదే జీవీఎంసీలోని అవుట్‌సోర్సింగ్‌ ఉద్యోగులకు కూడా అనధికారికంగా అమలు చేస్తూ వస్తున్నారు.
న్యూ ఇయర్‌ సందడి
నూతన సంవత్సర వేడుకలను నగరవాసులు ఆనందో త్సాహాలతో జరుపుకున్నారు. కొత్త సంవత్సరంలో మొదటి రోజున చాలామంది దైవదర్శనం చేసుకుంటుంటారు. దీంతో నగర పరిధిలోని అనేక దేవాలయాలు భక్తులతో కిటకిటలాడాయి. ముఖ్యంగా సింహాచలం దేవస్థానం, ఆశీల్‌మెట్టలోని సంపత్‌ వినాయక్‌, వన్‌టౌన్‌లోని శ్రీకనకమహలక్ష్మి అమ్మవారి ఆలయాలకు భారీగా భక్తులు తరలివచ్చారు. ఇక ఎమ్మెల్యేల ఇళ్ల వద్ద సందడి ఎక్కువగా కనిపించింది. ప్రజా ప్రతినిధులకు శుభాకాంక్షలు తెలియజేసేందుకు పార్టీ నాయకులు, కార్యకర్తలు బారులుతీరారు. తెలుగుదేశం పార్టీ రాష్ట్ర అధ్యక్షుడు, గాజువాక ఎమ్మెల్యే పల్లా శ్రీనివాసరావు, తూర్పు నియోజకవర్గ ఎమ్మెల్యే వెలగపూడి రామకృష్ణబాబు, పశ్చిమ నియోజకవర్గ ఎమ్మెల్యే గణబాబు, దక్షిణ నియోజకవర్గ ఎమ్మెల్యే వంశీకృష్ణ శ్రీనివాస్‌, ఉత్తర నియోజకవర్గం ఎమ్మెల్యే విష్ణుకుమార్‌రాజు, పెందుర్తి ఎమ్మెల్యే పంచకర్ల రమేష్‌బాబు కార్యాలయాల్లో నూతన సంవత్సర వేడుకలను నిర్వహించారు. అలాగే, ప్రభుత్వ కార్యాలయాల్లో ఉన్నతాధికారులకు ఉద్యోగులు శుభాకాంక్షలు తెలియజేశారు.
ఐకానిక్‌ భవనం ఐటీకి రిజర్వు
విశాఖపట్నానికి మరో పెద్ద ఐటీ సంస్థ రాబోతున్నది. అది ఏమిటనేది త్వరలో వెల్లడి కానుంది. ఆ సంస్థ కోసం ముందుగానే ‘సూపర్‌ ఐకానిక్‌ భవనాన్ని రాష్ట్ర ప్రభుత్వం రిజర్వు చేసి పెట్టింది. అదే వీఎంఆర్‌డీఏ సిరిపురంలో నిర్మిస్తున్న మల్టీ లెవెల్‌ కారు పార్కింగ్‌ బిల్డింగ్‌. అది పేరుకు కారు పార్కింగ్‌ భవనమే అయినప్పటికీ అందులో ఐదు అంతస్థులు ఐటీ కార్యాలయాలకు అద్దెకు ఇచ్చేలా నిర్మించారు.
ఏళ్ల తరబడి తిష్ఠ
వైద్య, ఆరోగ్య శాఖ ప్రాంతీయ కార్యాలయం (ఆర్డీ)లో కొందరు ఉద్యోగులు ఏళ్ల తరబడి పాతుకుపోయారు. పది, పదిహేనేళ్ల నుంచి ఒకేచోట కొనసాగుతూ కార్యాలయాన్ని అడ్డగోలు వ్యవహారాలకు కేంద్రంగా మార్చేశారు. నియామకాలు, బదిలీలు, పదోన్నతులు వంటి సమయంలో జేబులు నింపుకుంటున్నారు.
212 మందిపై డ్రంకన్‌ డ్రైవ్‌ కేసులు
నగరంలో మంగళవారం రాత్రి మద్యం సేవించి వాహనాలను నడుపుతున్న 212 మందిపై డ్రంకన్‌ డ్రైవ్‌ కేసులు నమోదుచేసినట్టు పోలీస్‌ కమిషనర్‌ శంఖబ్రతబాగ్చి తెలిపారు. గత ఏడాదితో పోల్చితే ఈ ఏడాది ఎక్కువ కేసులు నమోదుచేశామన్నారు. డిసెంబరు 31 సందర్భంగా నగరంలో రోడ్డు ప్రమాదాలు జరగకుండా ఉండేందుకు 28 చోట్ల ప్రత్యేక బృందాలు బ్రీత్‌ అనలైజర్లతో తనిఖీ చేపట్టాయన్నారు.
5న ‘ఆంధ్రజ్యోతి-ఏబీఎన్‌’ ముత్యాల ముగ్గుల పోటీలు
సంక్రాంతిని పురస్కరించుకుని ఏటా మాదిరిగానే ‘ఆంధ్రజ్యోతి’, ‘ఏబీఎన్‌’ యాజమాన్యం ఈ ఏడాది కూడా ముత్యాల ముగ్గుల పోటీలు నిర్వహిస్తోంది. ‘ఆంధ్రజ్యోతి’, ఏబీఎన్‌’ నిర్వహిస్తున్న సంతూర్‌ ముత్యాల ముగ్గుల పోటీలు...గార్డెనింగ్‌ పార్టనర్‌ క్రాఫ్ట్‌ వారి పర్‌ఫెక్ట్‌...ఫ్యాషన్‌ పార్టనర్‌ డిగ్‌సెల్‌ వారి సెల్సియా (ట్రెండీ మహిళల ఇన్నర్‌వేర్‌)’కు సీతమ్మధారలోని శ్రీప్రకాష్‌ విద్యానికేతన్‌ స్కూల్‌ ప్రాంగణం వేదిక కానున్నది. ఈ నెల ఐదో తేదీ...ఆదివారం ఉదయం పది గంటలకు పోటీలు ప్రారంభం కానున్నాయి. ఈ పోటీల్లో జిల్లా స్థాయిలో ప్రథమ స్థానంలో నిలిచిన వారికి రూ.6 వేలు, ద్వితీయ, తృతీయ స్థానాల్లో నిలిచిన వారికి రూ.4 వేలు, రూ.3 వేలు బహుమతిగా అందించనున్నారు.
కొత్త సంవత్సర వేడుకల్లో విషాదం
నూతన సంవత్సర వేడు కల్లో విషాదం చోటుచే సుకుంది. బాణసంచా కాలుస్తుండగా బాంబు పేలి ఓ వ్యక్తి దుర్మర ణం చెందారు. దువ్వాడ పోలీసులు తెలిపిన వివరాలిలా ఉన్నాయి.