Gold and Silver Prices Today: మహిళలకు శుభవార్త.. బంగారం ధర ఎంత తగ్గిందంటే..

బిజినెస్ డెస్క్: బంగారం ధరలు వరసగా రెండో రోజూ తగ్గుముఖం పట్టాయి. కొన్ని రోజులుగా పెరుగుతూ వస్తున్న పసిడి ధర నేడు (17-02-2025) స్వల్పంగా తగ్గింది. నిన్న 10 గ్రాములకు రూ.100 తగ్గిన గోల్డ్ ధర నేడు రూ.10లు తగ్గింది. అయినా తులం బంగారం ధర రూ.86 వేల మార్క్ దాటడంతో పసిడి ప్రియులు బెంబేలెత్తిపోతున్నారు. అవసరం ఉంటే తప్ప బంగారం షాపుల వైపు కన్నెత్తి చూడడం లేదు. కొనాల్సి వచ్చినా ఆలోచించి మరీ అడుగులు వేస్తున్నారు. కాగా, దేశ రాజధాని ఢిల్లీలో ఇవాళ ఉదయం 06:30 గంటల సమయానికి 22 క్యారెట్ల 10 గ్రాముల బంగారం ధర రూ.10 తగ్గి రూ.79,040కు చేరింది. అలాగే 24 క్యారెట్ల తులం పసిడి ధర రూ.10 తగ్గి రూ.86,210 వద్ద కొనసాగుతోంది. హైదరాబాద్, విజయవాడ నగరాల్లో 22 క్యారెట్ల 10 గ్రాముల గోల్డ్ ధర రూ.10 తగ్గి రూ.78,890గా ఉంది. మరోవైపు 24 క్యారెట్ల తులం బంగారం ధర రూ.10 తగ్గి రూ.86,060 వద్ద కొనసాగుతోంది.

వెండి ధరలు ఇలా..

ఇక వెండి విషయానికి వస్తే.. ఆదివారం నాటి ధరలతో పోలిస్తే కిలోకు రూ.100లు తగ్గింది. దేశ రాజధాని ఢిల్లీలో కిలో వెండి నిన్న రూ.1,00,500 ఉండగా.. నేడు రూ.100 తగ్గి రూ.1,00,400కు చేరింది. అలాగే హైదరాబాద్, విజయవాడ నగరాల్లో కేజీ వెండి నిన్న రూ.1,08,000 ఉండగా.. నేడు రూ.100 తగ్గి రూ.1,07,900కు చేరుకుంది.

ప్రధాన నగరాల్లో బంగారం (22, 24 క్యారెట్ల) ధరలు ఎలా ఉన్నాయంటే..

• కోల్‌కతా- రూ.78,890, రూ.86,060

• చెన్నై- రూ.78,890, రూ.86,060

• బెంగళూరు- రూ.78,890, రూ.86,060

• ముంబై- రూ.78,890, రూ.86,060

• హైదరాబాద్- రూ.78,890, రూ.86,060

• విజయవాడ- రూ.78,890, రూ.86,060

• ఢిల్లీ- రూ.79,040, రూ.86,210

• భువనేశ్వర్- రూ.78,890, రూ.86,060