Mahindra & Mahindra: మారుతీ, టాటాల బాటలోకి మహీంద్రా.. వచ్చే నెల నుంచి ఈ SUVలు కూడా..
ABN , Publish Date - Mar 21 , 2025 | 09:38 PM
దేశంలో అనేక ఆటోమొబైల్ కంపెనీల వాహనాల ధరలు వచ్చే నెల నుంచి పెరగనున్నాయి. ఇప్పటికే మారుతీ సుజుకి, టాటా మోటార్స్ వంటి కీలక సంస్థలు ప్రకటించగా, తాజాగా మహీంద్రా & మహీంద్రా కూడా రేట్లను పెంచనున్నట్లు తెలిపింది.
ఇటీవల ప్రముఖ ఆటోమొబైల్ కంపెనీలైన మారుతి సుజుకి, టాటా మోటార్స్, హ్యుందాయ్, కియా ఇండియా, హోండా కార్స్ తమ ఉత్పత్తుల ధరలను వచ్చే ఏప్రిల్ నుంచి పెంచనున్నట్లు ప్రకటించాయి. ఈ క్రమంలోనే తాజాగా మరో ఆటోమొబైల్ సంస్థ మహీంద్రా & మహీంద్రా (Mahindra & Mahindra) కూడా ఇదే విషయాన్ని ప్రకటించింది. ఏప్రిల్ నుంచి తమ SUVల వాణిజ్య వాహనాల ధరలను 3 శాతం వరకు పెంచనున్నట్లు తెలిపింది. పెరిగిన ఇన్‌పుట్ ఖర్చుల ప్రభావం కారణంగా ఈ ధరల పెంపు జరుగుతుందని మహీంద్రా చెప్పింది.
తాము భరించడానికి
అయితే కంపెనీ గత కొన్ని నెలల నుంచి ఈ ఖర్చులను ప్రభావిత క్రమంలో తాము భరించడానికి ప్రయత్నించినట్లు తెలిపింది. కానీ ఇప్పుడు ఈ భారాన్ని కొంత భాగం వినియోగదారులకు బదిలీ చేయాల్సి వచ్చిందని వెల్లడించింది. ఈ ధరల పెరుగుదల కేవలం SUVs వర్గంలో మాత్రమే కాకుండా, వాణిజ్య వాహనాల విభాగంలో కూడా ఉండనున్నాయి. దీంతో సంస్థ తన వివిధ వాహన మోడల్స్‌ ధరల్లో మార్పులు చేయనుంది.
పెరిగిన మహీంద్రా ఆదాయం
ఇటీవల మహీంద్రా తన ఫిబ్రవరి నెల డేటాను విడుదల చేసింది. దీనిలో 83,702 వాహనాల అమ్మకాలు నమోదయ్యాయని పేర్కొంది. కంపెనీ ఈ రికార్డ్ అమ్మకాలను చూస్తూ, గత సంవత్సరంతో పోల్చితే 15 శాతం పెరిగినట్లు తెలిపింది. ఈ క్రమంలో ఎగుమతులు కూడా ప్రభావం చూపగా, మహీంద్రా మొత్తం UV (యుటిలిటీ వాహనాలు) అమ్మకాలు 52,386 యూనిట్లకు చేరుకున్నాయి. ప్రధానంగా, మహీంద్రా యుటిలిటీ వాహనాలు, వీటిలో ఎస్‌యూ‌వీలు, మినీ వ్యాన్‌లు, వ్యాపార వాహనాలు ఉన్నాయి.
ట్రాక్టర్ విభాగం కూడా..
ఇక మహీంద్రా తన ట్రాక్టర్ విభాగంలో కూడా అభివృద్ధి సాధించింది. ఫిబ్రవరి 2025లో, మహీంద్రా మొత్తం ట్రాక్టర్ అమ్మకాలు 25,527 యూనిట్లకు చేరుకున్నాయని, గత సంవత్సరం 21,672 యూనిట్లతో పోలిస్తే పెరిగినట్లు తెలిపింది. ట్రాక్టర్ విభాగంలో, దేశీయ అమ్మకాలు కూడా గణనీయంగా పెరిగాయి. 23,880 యూనిట్ల వరకు చేరుకున్నాయి.
ఇప్పటికే ఇతర ఆటోమొబైల్ సంస్థలు
దీంతో మహీంద్రా మాత్రమే కాదు, ఇతర ఆటోమొబైల్ కంపెనీలు కూడా తమ వాహనాల ధరలను పెంచుతున్నట్లు ఇప్పటికే ప్రకటించాయి. ఈ ధరల పెంపు కారణంగా వినియోగదారులపై భారం పడనుంది. ఈ ధరల పెరుగుదల మరిన్ని ఉత్పత్తులపై కూడా గణనీయంగా ప్రభావం చూపే అవకాశం ఉంది. ఈ నిర్ణయం తర్వాత మహీంద్రా & మహీంద్రా సంస్థ షేర్లు కొంత తగ్గి, BSEలో 1.08 శాతం పడిపోయి రూ. 2,799.30 వద్ద ముగిశాయి. అయితే కస్టమర్లు ఇదే నెలలో ఏదైనా వాహనం కొనుగోలుచేస్తే ఈ పెరగనున్న ధరల భారం నుంచి తప్పించుకోవచ్చు.
ఇవి కూడా చదవండి:
Online Shopping: ఆన్లైన్ కొనుగోలు దారులకు అలర్ట్..ప్రాసెసింగ్ ఫీజు పేరుతో బాదుడు..
NASSCOM: వచ్చే రెండేళ్లలో లక్ష మంది విద్యార్థులకు ఉచితంగా ఏఐ శిక్షణ
Viral News: కారు డ్రైవర్‌తో లొల్లి..రోడ్డు మధ్యలో నిలబడి ట్రాఫిక్ అడ్డుకున్న బైకర్
Call Merging Scam: కొత్త రకం మోసం కాల్ మెర్జింగ్ స్కామ్..అలర్ట్ చేసిన కేంద్రం..
PM Surya Ghar Muft Bijli Yojana: రూ. 2 లక్షల వరకు పూచీకత్తు లేకుండా లోన్.. అందుకు ఏం చేయాలంటే..
Read More Business News and Latest Telugu News
