Dangerous Players in IPL 2025: రాజస్తాన్, కోల్‌కతాలో డేంజరస్ వీళ్లే.. తేలికగా తీసుకుంటే తాట తీసుడే
ABN , Publish Date - Mar 26 , 2025 | 03:36 PM
ఐపీఎల్ 2025లో ఈరోజు రాజస్తాన్ రాయల్స్ (RR), కోల్‌కతా నైట్ రైడర్స్ (KKR) జట్ల మధ్య ఉత్కంఠ మ్యాచ్ జరగనుంది. అయితే ఈ జట్లలోని ప్రధాన ఆటగాళ్ల ప్రదర్శన, ఆయా జట్ల లైనప్ గురించి కీలక విషయాలను తెలుసుకుందాం.
2025 ఐపీఎల్ సీజన్‌లో ఈరోజు ఆరో మ్యాచులో రాజస్తాన్ రాయల్స్ (RR), కోల్‌కతా నైట్ రైడర్స్ (KKR) జట్లు తలపడనున్నాయి. అయితే ఈ రెండు టీమ్స్ కూడా బలంగా ఉన్నాయని చెప్పవచ్చు. ప్రతి ఆటగాడికీ ఒక ప్రత్యేక విధానం, ఆటతీరుతో ప్రభావం చూపించగల సామర్థ్యం ఉంది. వీరిలో కొన్ని డేంజరస్ ఆటగాళ్లు కూడా ఉన్నారని చెప్పవచ్చు. వారిలో RR జట్టులో సంజు శాంసన్ అత్యంత కీలక ఆటగాడు. 2025 IPL తొలి మ్యాచ్‌లో సన్‌రైజర్స్ హైదరాబాద్‌పై 66 పరుగులతో అద్భుతమైన ప్రదర్శన కనబరచిన శాంసన్, తన ఆటతో మధ్య ఓవర్లలో ప్రత్యర్థి బౌలర్లను కట్టడి చేసే సత్తా ఉంది. అతడి వికెట్ కీపింగ్, అలాగే బ్యాటింగ్ రెండింటి ద్వారా కూడా బలమైన సమర్థత చూపించగలడు.
డెత్ ఓవర్లలో
మరోవైపు యశస్వి జైస్వాల్ ఓపెనర్‌గా పవర్‌ప్లేలో అత్యధిక షాట్లతో ప్రత్యర్థి బౌలర్లను ఇబ్బంది పెడతాడు. అతడికి చాలా ప్రాక్టీస్, సరైన టెక్నికల్ స్కిల్స్ కూడా ఉన్నాయి. ఈ క్రమంలో జైస్వాల్ స్టాండ్ అయితే మాత్రం ప్రత్యర్థి జట్లకు చుక్కలేనని చెప్పవచ్చు. షిమ్రాన్ హెట్‌మెయర్ డెత్ ఓవర్లలో అత్యంత ప్రమాదకరమైన ఆటగాడు. తన ఫినిషింగ్ సామర్థ్యంతో మ్యాచ్‌ను పూర్తిగా మార్చేస్తాడు. 2025 IPL మొదటి మ్యాచ్‌లో, సన్‌రైజర్స్‌పై 42 పరుగులతో తన సత్తా నిరూపించాడు.
బౌలింగ్ విషయంలో
ధ్రువ్ జురెల్ 70 పరుగులతో జట్టుకు బ్యాటింగ్ విషయంలో బలంగా ఉన్నాడు. యువ ఆటగాడిగా జురెల్, తన బ్యాటింగ్‌తో చక్కటి ప్రదర్శన చూపిస్తున్నాడు. ఇక జోఫ్రా ఆర్చర్ తన వేగవంతమైన బ్యాటింగ్ తీరుతో మ్యాచ్‌ను మార్చేస్తాడు. RR బౌలింగ్ లైనప్‌లో తన ప్రదర్శన కూడా కీలకమని చెప్పవచ్చు. గత మ్యాచ్‌లో 76 పరుగులు సమర్పించినప్పటికీ, మరో సారి ఫాంలోకి వస్తే, భారీ విజయాలు సాధించే ఆవకాశముంది. ఇక తుషార్ దేశ్‌పాండే 3/44తో ఫాంలో ఉన్న తుషార్, RR బౌలింగ్ విషయంలో చాలా ఆశలు పెట్టుకున్నాడు. తన విభిన్న బౌలింగ్ టెక్నిక్‌తో ప్రత్యర్థి ఆటగాళ్లను కట్టడి చేసే సామర్థ్యం ఉంది.
కోల్‌కతా నైట్ రైడర్స్ (KKR)
ఇక KKR విషయానికి వస్తే ఆల్‌రౌండర్ సునీల్ నరైన్ చాలా ప్రమాదకర ఆటగాడు. అతడు ఓపెనర్‌గా, Powerplayలో కూడా ఆడగలడు. అలాగే స్పిన్ బౌలింగ్‌తో ప్రతిభను ప్రదర్శించి ఎప్పుడైనా మ్యాచ్‌ను మార్చేసే సత్తా ఉంది. ప్రపంచ ప్రఖ్యాత ఆల్‌రౌండర్ ఆండ్రే రస్సెల్ KKR జట్టులో కీలక పాత్ర పోషిస్తాడు. బ్యాటింగ్‌లో అతడు భారీ సిక్సర్లతో, బౌలింగ్‌లో వేగంతో, డెత్ ఓవర్లలో ఆటను ఏకంగా తనవైపుకు తిప్పుకోగడు.
ఫినిషింగ్ టైంలో..
రింకూ సింగ్, KKR ఫినిషర్‌గా ఉండటంతో పాటు, చిన్న స్కోర్లను కూడా పెద్ద స్కోర్లుగా మార్చగల సామర్థ్యం కలిగి ఉన్న ఆటగాడు. అతడి ఆటతీరు, చివరి మూడు ఓవర్లలో జట్టుకు కీలకంగా మారుతుంది. అనుభవంతో కూడిన ఓపెనర్ క్వింటన్ డి కాక్, తన బ్యాటింగ్ సామర్థ్యంతో పెద్ద స్కోర్లు సాధించగలడు. కానీ 2025 IPL తొలి మ్యాచ్‌లో ఫాం తగ్గిందని చెప్పవచ్చు. KKR బౌలర్ వరుణ్ చక్రవర్తి, మిస్టరీ స్పిన్‌తో ప్రత్యర్థి ఆటగాళ్లను కట్టడి చేయగలడు. అతడి స్పిన్ బౌలింగ్ మధ్య ఓవర్లలో చాలా కీలకం.
ఇవి కూడా చదవండి:
Bad Luck to Shreyas Iyer: అయ్యర్‌కు అదృష్టాన్ని దూరం చేసిన శశాంక్.. ఏడుపొక్కటే తక్కువ
IPL 2025: నువ్వు మారవా..ఐపీఎల్ వదిలేసి పల్లీ బఠాణీలు అమ్ముకో, స్టార్ ఆటగాడిపై ట్రోల్స్..
IPL 2025: పంజాబ్ సూపర్ కింగ్స్‌లో పవర్‌ఫుల్ హిట్టర్ల లిస్ట్ చుశారా..
Single Recharge: ఒకే రీఛార్జ్‌తో ముగ్గురికి ఉపయోగం..సరికొత్త ప్లాన్ ప్రవేశపెట్టిన బీఎస్‌ఎన్‌ఎల్
Read More Business News and Latest Telugu News
