IPL 2025, KKR vs RR: కోల్‌కతా స్పిన్నర్ల హవా.. తడబడుతున్న రాజస్తాన్

గౌహతిలో జరుగుతున్న ఐపీఎల్ మ్యాచ్‌లో డిఫెండింగ్ ఛాంపియన్ కోల్‌కతా నైట్‌రైడర్స్‌తో రాజస్తాన్ రాయల్స్ జట్టు తలపడుతోంది. సీనియర్ ఆటగాడు అజింక్య రహానే కోల్‌కతాకు కెప్టెన్సీ చేస్తున్నాడు. రియాన్ పరాగ్ రాజస్తాన్ టీమ్‌కు నాయకత్వం వహిస్తున్నాడు. కోల్‌కత్ నైట్‌రైజర్స్ జట్టు టాస్ గెలిచి బౌలింగ్ ఎంచుకుంది. దీంతో రాజస్తాన్ మొదటి బ్యాటింగ్ చేస్తోంది. కోల్‌కతా స్పిన్నర్లు వరుణ్ చక్రవర్తి (2/15), మొయిన్ అలీ (2/23) రాణించడంతో రాజస్తాన్ బ్యాటర్లు పరుగులు చేయడానికి ఇబ్బందులు పడుతున్నారు.

మంచి ఆరంభాన్ని రాజస్తాన్ బ్యాటర్ యశస్వి జైస్వాల్ (29) సద్వినియోగం చేసుకోలేకపోయాడు. మొయిన్ అలీ బౌలింగ్‌లో వెనుదిరిగాడు. అలాగే నితీష్ రాణా (8) కూడా మొయిన్ అలీకి చిక్కాడు. వరుణ్ చక్రవర్తి స్పిన్ మాయాజాలానికి రియాన్ పరాగ్ (25), హసరంగ (4) చిక్కారు. సంజూ శాంసన్ వికెట్ వైభవ్ అరోరాకు దక్కింది. దీంతో రాజస్తాన్ ప్రస్తుతం 13 ఓవర్లలో 5 వికెట్లు కోల్పోయి 96 పరుగులు మాత్రమే చేసింది. ధ్రువ్ జురెల్ (10 బ్యాటింగ్), శుభమ్ దూబే (3 బ్యాటింగ్) క్రీజులో ఉన్నారు. ఇక, హెట్‌మేయర్, జోఫ్రా ఆర్చర్ మాత్రమే చెప్పుకోదగ్గ బ్యాటర్లు ఉన్నారు.

ఇవి కూడా చదవండి..

Rishabh Pant: రిషభ్-కుల్దీప్ ఫన్నీ మూమెంట్.. స్నేహితుడిని ఎలా ఆటపట్టిస్తున్నాడో చూడండి..

Sundar Pichai: వాషింగ్టన్ సుందర్‌కు ఛాన్స్ ఎందుకు లేదు.. తనకూ అర్థం కావడం లేదన్న గూగుల్ సీఈవో

మరిన్ని క్రీడా వార్తలు కోసం క్లిక్ చేయండి..