IPL 2025 SRH VS MI: టాస్ గెలిచిన ముంబై.. మొదటి బ్యాటింగ్ ఎవరిదంటే
ABN , Publish Date - Apr 23 , 2025 | 07:04 PM
ఆరంభంలో పరాజయాలతో ఇబ్బంది పడిన ముంబై ఇండియన్స్ తరువాత పుంజుకుని విజయాల బాట పట్టింది. గత మూడు మ్యాచ్ల్లోనూ విజయాలు సాధించింది. హార్దిక్ పాండ్యా సారథ్యంలోని ముంబై ఇండియన్స్ ఇప్పటివరకు 8 మ్యాచ్లు ఆడిన నాలుగు విజయాలతో పాయింట్ల పట్టికలో ఆరో స్థానంలో ఉంది.
వరుస పరాజయాలతో సతమతమవుతున్న సన్రైజర్స్ హైదరాబాద్ (SRH) టీమ్ ఈ రోజు మరో కీలక మ్యాచ్కు రెడీ అయింది. హైదరాబాద్లోని ఉప్పల్ స్టేడియంలో ముంబై ఇండియన్స్ టీమ్తో తలపడుతోంది (SRH vs MI). ప్యాట్ కమిన్స్ సారథ్యంలోని సన్రైజర్స్ హైదరాబాద్ ఈ మ్యాచ్లో కచ్చితంగా గెలిచి తీరాలి. లేకపోతే ఈ సీజన్ ప్లే ఆఫ్స్ అవకాశాలు దాదాపు కనుమరుగైనట్టే (IPL 2025). మరోవైపు హ్యాట్రిక్ విజయాలతో జోరుమీదున్న ముంబై ఇండియన్స్ ఈ మ్యాచ్లో కూడా గెలిచి పాయింట్ల పట్టికలో పైకి వెళ్లాలని ఊవిళ్లూరుతోంది.
ఈ మ్యాచ్లో టాస్ గెలిచిన ముంబై ఇండియన్స్ కెప్టెన్ హార్దిక్ పాండ్యా బౌలింగ్ ఎంచుకున్నాడు. దీంతో సన్రైజర్స్ హైదరాబాద్ టీమ్ బ్యాటింగ్కు సిద్ధమవుతోంది. ఈ సీజన్ను భారీ విజయంతో ఆరంభించిన సన్రైజర్స్ హైదరాబాద్ ఆ తర్వాత వరుస పరాజయాలతో డీలా పడింది. ఇప్పటివరకు ఆడిన ఏడు మ్యాచ్ల్లో కేవలం రెండే విజయాలు సాధించి పాయింట్ల పట్టికలో 9వ స్థానంలో ఉంది. ఈ సీజన్లో సన్రైజర్స్ ప్లే ఆఫ్స్కు చేరాలంటే కచ్చితంగా మిగిలిన మ్యాచ్లన్నింటిలోనూ విజయాలు సాధించాల్సిందే. దీంతో ఈ మ్యాచ్లో అమీ తుమీ తేల్చుకునేందుకు హైదరాబాద్ టీమ్ సిద్ధమవుతోంది.
తుది జట్లు:
సన్రైజర్స్ హైదరాబాద్ (అంచనా): అభిషేక్ శర్మ, ట్రావిస్ హెడ్, ఇషాన్ కిషన్, నితీష్ కుమార్ రెడ్డి, హెన్రిచ్ క్లాసెన్, అనికేత్ వర్మ, అభినవ్ మనోహర్, ప్యాట్ కమిన్స్, జీషన్ అన్సారీ, మహ్మద్ షమీ, హర్షల్ పటేల్
ముంబై ఇండియన్స్ (అంచనా): రోహిత్ శర్మ, రికెల్టన్, విల్ జాక్స్, సూర్యకుమార్ యాదవ్, తిలక్ వర్మ, హార్దిక్ పాండ్యా, నమన్ ధీర్, శాంట్నర్, విఘ్నేష్ పుత్తుర్, ట్రెంట్ బౌల్ట్, జస్ప్రీత్ బుమ్రా
మరిన్ని క్రీడా వార్తలు కోసం క్లిక్ చేయండి..
