ఉప్పల్‌లో 9 వైజాగ్‌లో 2

• 12 డబుల్‌ హెడర్‌లు

• మార్చి 22న ప్రారంభం

• మే 25న ఈడెన్‌లో ఫైనల్‌

ఐపీఎల్‌ పూర్తి షెడ్యూల్‌ విడుదల

న్యూఢిల్లీ: మండు వేసవిలో క్రికెట్‌ ప్రేమికులను ఉర్రూతలూగించే ఇండియన్‌ ప్రీమియర్‌ లీగ్‌ (ఐపీఎల్‌) పూర్తి షెడ్యూల్‌ను బీసీసీఐ వెల్లడించింది. ఈ లీగ్‌ 18వ సీజన్‌ మార్చి 22 నుంచి ఆరంభమై మే 25న జరిగే ఫైనల్‌తో ముగుస్తుంది. ఇందులో భాగంగా 65 రోజుల పాటు దేశంలోని 13 నగరాల్లో మొత్తంగా 74 మ్యాచ్‌లు జరుగనున్నాయి. తొలి మ్యాచ్‌లో డిఫెండింగ్‌ చాంపియన్‌ కోల్‌కతా నైట్‌రైడర్స్‌- రాయల్‌ చాలెంజర్స్‌ బెంగళూరు తలపడనున్నాయి. ఆరంభ, ఫైనల్‌ మ్యాచ్‌లకు కూడా ఈడెన్‌ గార్డెన్స్‌ వేదిక కానుంది. ఇక షెడ్యూల్‌లో 12 డబుల్‌ హెడర్‌ (ఒకే రోజు రెండు) మ్యాచ్‌లున్నాయి. ఎప్పటిలాగే వైజాగ్‌ను ఢిల్లీ క్యాపిటల్స్‌, ధర్మశాలను పంజాబ్‌ కింగ్స్‌, గువాహటిని రాజస్థాన్‌ రాయల్స్‌ ఫ్రాంచైజీలు తమ రెండో హోమ్‌ గ్రౌండ్‌గా ఎంచుకున్నాయి. దీంతో ఆయా వేదికల్లో రెండేసి మ్యాచ్‌లు జరుగనుండగా, ధర్మశాల మాత్రం మూడు మ్యాచ్‌లకు ఆతిథ్యం ఇవ్వనుంది. వైజాగ్‌లో మార్చి 24న లఖ్‌నవూ సూపర్‌ జెయింట్స్‌, 30న సన్‌రైజర్స్‌ హైదరాబాద్‌తో ఢిల్లీ జట్టు తలపడుతుంది.

ప్లేఆఫ్స్‌కు హైదరాబాద్‌ ఆతిథ్యం

గతేడాది ఉప్పల్‌ మైదానం ఏడు లీగ్‌ మ్యాచ్‌లకు ఆతిథ్యమివ్వగా.. ఈసారి ఆ సంఖ్య పెరిగింది. ఎందుకంటే ప్లేఆ్‌ఫ్సలో భాగంగా క్వాలిఫయర్‌ 1, ఎలిమినేటర్‌ మ్యాచ్‌లు ఇక్కడ జరగనుండడమే. దీంతో హైదరాబాద్‌లో జరిగే మొత్తం మ్యాచ్‌ల సంఖ్య తొమ్మిదికి పెరిగింది. ఇక మార్చి 23న ఉప్పల్‌ స్టేడియంలో సన్‌రైజర్స్‌ జట్టు రాజస్థాన్‌ రాయల్స్‌తో తమ ఆరంభ మ్యాచ్‌ను ఆడనుంది. అలాగే క్వాలిఫయర్‌ 2, ఫైనల్‌ మ్యాచ్‌లకు కోల్‌కతాలోని ఈడెన్‌ గార్డెన్స్‌ వేదిక కానుంది.

సన్‌రైజర్స్‌ హైదరాబాద్‌ షెడ్యూల్‌

తేదీ ప్రత్యర్థి వేదిక సమయం

మార్చి 23 రాజస్థాన్‌ హైదరాబాద్‌ మ.3.30

మార్చి 27 లఖ్‌నవూ హైదరాబాద్‌ రా.7.30

మార్చి 30 ఢిల్లీ విశాఖపట్నం మ.3.30

ఏప్రిల్‌ 03 కోల్‌కతా కోల్‌కతా రా.7.30

ఏప్రిల్‌ 06 గుజరాత్‌ హైదరాబాద్‌ రా.7.30

ఏప్రిల్‌ 12 పంజాబ్‌ హైదరాబాద్‌ రా.7.30

ఏప్రిల్‌ 17 ముంబై ముంబై రా.7.30

ఏప్రిల్‌ 23 ముంబై హైదరాబాద్‌ రా.7.30

ఏప్రిల్‌ 25 చెన్నై చెన్నై రా.7.30

మే 02 గుజరాత్‌ అహ్మదాబాద్‌ రా.7.30

మే 05 ఢిల్లీ హైదరాబాద్‌ రా.7.30

మే 10 కోల్‌కతా హైదరాబాద్‌ రా.7.30

మే 13 బెంగళూరు బెంగళూరు రా.7.30

మే 18 లఖ్‌నవూ లఖ్‌నవూ రా.7.30

మరిన్ని క్రీడా వార్తలు కోసం క్లిక్ చేయండి..