Badminton : సెమీస్‌కు సాత్విక్‌ జోడీ

కౌలాలంపూర్‌: స్టార్‌ జోడీ సాత్విక్‌ సాయిరాజ్‌/చిరాగ్‌ షెట్టి మలేసియా ఓపెన్‌ సూపర్‌ 1000 బ్యాడ్మింటన్‌ టోర్నమెంట్‌లో టైటిల్‌ దిశగా దూసుకెళ్తోంది. ఏడోసీడ్‌గా బరిలోకి దిగిన భారత ద్వయం 26-24, 21-15తో స్థానిక ఫేవరెట్‌ జంట యే సిన్‌ ఓంగ్‌/ఎ యి తియోను చిత్తుచేసి సెమీఫైనల్లోకి ప్రవేశించింది. 49 నిమిషాల ఈ పోరులో ప్రత్యర్థి నుంచి తొలి గేమ్‌లో ప్రతిఘటన ఎదుర్కొన్న సాత్విక్‌ జోడీ.. ఆ తర్వాత అద్భుతంగా పుంజుకొని అలవోకగా మ్యాచ్‌ను ముగించింది. గతేడాది ఇక్కడ రన్నర్‌పగా నిలిచిన సాత్విక్‌/చిరాగ్‌ జోడీ సెమీఫైనల్లో దక్షిణ కొరియాకు చెందిన వోన్‌ హో కిమ్‌/సెంగ్‌ జే సియోతో అమీతుమీ తేల్చుకోనుంది. కాగా, ఈ టోర్నీలో సెమీస్‌ చేరడం సాత్విక్‌ ద్వయానికిది వరుసగా మూడోసారి కావడం విశేషం.