విశాఖపట్టణం
రియల్టర్‌ దందా
మండలంలోని మడుతూరు పంచాయతీలో ఒక రియల్‌ ఎస్టేట్‌ వ్యాపారి ప్రభుత్వ భూమిని దర్జాగా ఆక్రమించుకొని రోడ్డు నిర్మించాడు. ఇందుకోసం ఏపుగా పెరిగిన తాటిచెట్లను నేలకూల్చారు. ప్రభుత్వ భూమిలో రోడ్డు నిర్మాణం చేపట్టవద్దంటూ వీఆర్వో రోడ్డు మధ్యన కాలువ తవ్వగా.. దానిని కప్పేసి రోడ్డు పనులు కొనసాగించారు.
గ్రామాల్లోనూ స్మార్ట్‌ మీటర్లు
విద్యుత్‌ సేవలకు సాంకేతిక పరిజ్ఞానాన్ని అందిపుచ్చుకుంటూ ఈపీడీసీఎల్‌ అధికారులు కొత్తగా స్మార్ట్‌ మీటర్లను ఏర్పాటు చేస్తున్నారు. విద్యుత్‌ చౌర్యానికి చెక్‌ పెట్టడంతోపాటు మీటరు రీడింగ్‌ ఆన్‌లైన్‌ చేయడానికి ఇది దోహదపడుతుంది. పట్టణ ప్రాంతాల్లో వాణిజ్య కేటగిరీలకు, ప్రభుత్వం కార్యాలయాలు, సంస్థలకు ఇప్పటికే స్మార్ట్‌ మీటర్ల బిగింపు ప్రక్రియ ప్రారంభం కాగా.. తాజాగా గ్రామీణ ప్రాంతాల్లో కూడా స్మార్ట్‌ మీటర్లను బిగిస్తున్నారు. మండల కేంద్రమైన కోటవురట్లలో నెల రోజుల నుంచి వాణిజ్య విద్యుత్‌ కనెక్షన్లకు స్మార్ట్‌ మీటర్లను ఏర్పాటు చేస్తున్నారు. తాగునీటి పథకాలు, వీధి దీపాలు, ప్రభుత్వ కార్యాలయాలకు కూడా వీటిని బిగిస్తున్నారు.
నర్సీపట్నం పెద్ద చెరువుకు మహర్దశ
నర్సీపట్నంలోని పెద్ద చెరువుని హైదరాబాద్‌లోని ట్యాంక్‌ బండ్‌ తరహాలో అభివృద్ధి చేయాలన్నది తన చిరకాల స్వప్నమని శాసనసభ స్పీకర్‌ అయ్యన్నపాత్రుడు అన్నారు. గురువారం అమరావతిలో పర్యాటక, ఆర్‌అండ్‌బీ శాఖల ఉన్నతాధికారులతో సమీక్షా సమావేశం నిర్వహించారు. నర్సీపట్నంలో ట్యాంక్‌ బండ్‌ పనులు చేపట్టడానికి ఆర్‌అండ్‌బీ శాఖ రూ.4.1 కోట్లు, పర్యాటక శాఖ 6.4 కోట్లు.. మొత్తం రూ.10.5 కోట్లు ఖర్చు అవుతుందని అంచనాలు తయారు చేసి స్పీకర్‌ దృష్టికి తీసుకువెళ్లారు.
పాఠశాలల పనివేళలు పెంపు
ప్రభుత్వ ఉన్నత పాఠశాలల పని వేళలు మారనున్నాయి.ప్రస్తుతం ఉదయం తొమ్మిది గంటల నుంచి సాయంత్రం నాలుగు గంటల వరకు తరగతులు నిర్వహిస్తుండగా, ఇకపై సాయంత్రం ఐదు గంటల వరకు పాఠశాలలు నడుస్తాయి. పని వేళలను ఒక గంట పొడిగిస్తూ జిల్లా విద్యా శాఖ అధికారి ఉత్తర్వులు జారీచేశారు. అయితే అన్ని పాఠశాలల్లో ఒకేసారి కాకుండా.. మండలానికి ఒక పాఠశాల చొప్పున పైలట్‌ ప్రాజెక్టు కింద ఎంపిక చేశారు. నర్సీపట్నం, అనకాపల్లి, చోడవరం, గొలుగొండ, పరవాడ, సబ్బవరం మండలాల్లో రెండేసి పాఠశాలలను ఎంపిక చేశారు. పైలట్‌ ప్రాజెక్టు కింద ఎంపిక చేసిన 30 పాఠశాలల్లో ఈ నెల 20వ తేదీ నుంచి పది రోజులు పాటు పని వేళలు పొడిగించి నిర్వహించాలని ఆదేశాలు ఇచ్చారు.
ఇసుక కొరతకు తెర!
జిల్లాలో భవన నిర్మాణదారులకు ఇసుక కొరత సమస్య త్వరలో తీరనున్నది. నూతన ఇసుక పాలసీని పక్కాగా అమలు చేయడం ద్వారా భవన నిర్మాణదారులకు ఇబ్బంది లేకుండా ఇసుక సరఫరా చేయాలని కూటమి ప్రభుత్వం నిర్ణయించింది. ఇసుక యార్డుల నిర్వహణ బాధ్యతలను ప్రైవేటు వ్యక్తులకు అప్పగించనున్నది. దీంతో ఇసుక అందుబాటులోకి రావడంతోపాటు అక్రమ తవ్వకాలు, రవాణాకు చెక్‌ పడుతుంది.
చోరీ కేసుల్లో ముగ్గురి అరెస్టు
జిల్లాలోని వివిధ పోలీస్‌స్టేషన్ల పరిధిలో జరిగిన పలు చోరీ కేసుల్లో ముగ్గురు నిందితులను పోలీసులు అరెస్టు చేశారు. వీరి నుంచి రూ.21.3 లక్షల విలువ చేసే బంగారం, ద్విచక్ర వాహనాలు, మొబైల్‌ ఫోన్‌ను స్వాధీనం చేసుకున్నారు. ఇందుకు సంబంధించిన వివరాలను ఎస్పీ తుహిన్‌ సిన్హా గురువారం జిల్లా పోలీస్‌ కార్యాలయంలో ఏర్పాటు చేసిన మీడిమాసమావేశంలో వెల్లడించారు.
సాగునీటి కోసం రైతుల పాట్లు
మండలంలోని పలు గ్రామాల్లో వరి రైతులకు సాగునీటి కష్టాలు తప్పడం లేదు.
కొత్తపట్నం నుంచి వెంకటాపురం వరకు తారు రోడ్డు వేయాలి
మండలంలోని కొత్తపట్నం నుంచి వెంకటాపురం వరకు తారురోడ్డు వేయాలని ప్రజాసంఘాల ఆధ్వర్యంలో గోవిందపాలెం జంక్షన్‌లో పలు గ్రామాల ప్రజలు ఆందోళన చేశారు.
ఏవోబీలో ఎదురుకాల్పులు
ఆంధ్ర-ఒడిశా సరిహద్దుల్లో (ఏవోబీ) గురువారం పోలీసులకు, మావోయిస్టులకు నడుమ ఎదురుకాల్పులు జరిగాయి. ఈ ఘటనలో ఒక మావోయిస్టు మృతిచెందిగా, ఒక పోలీస్‌కు గాయాలయ్యాయి.
పేట, ఎలమంచిలి పోలీస్‌ స్టేషన్లను తనిఖీ చేసిన డీఐజీ
విశాఖ రేంజ్‌ డీఐజీ గోపినాథ్‌ జెట్టి గురువారం పాయకరావుపేట, ఎలమంచిలి పట్టణ పోలీస్‌ స్టేషన్లను తనిఖీ చేశారు.