మామిడి పండుతో నల్ల మచ్చలు మాయం!
ABN , First Publish Date - 2021-04-14T05:30:00+05:30 IST
మామిడి పండులోని సి విటమిన్‌, మెగ్నీషియం మొటిమల కారణంగా వచ్చిన వాపును తగ్గిస్తాయి. అంతేకాదు చర్మం మీది జిడ్డును మాయం చేసి మొటిమలు ఏర్పడకుండా చూస్తాయి
- మామిడి పండులోని సి విటమిన్‌, మెగ్నీషియం మొటిమల కారణంగా వచ్చిన వాపును తగ్గిస్తాయి. అంతేకాదు చర్మం మీది జిడ్డును మాయం చేసి మొటిమలు ఏర్పడకుండా చూస్తాయి. సూర్యకిరణాల ప్రభావం నుంచి విటమిన్‌ సి రక్షణనిస్తుంది.
- ఈ పండులో మ్యాగ్నిఫెరిన్‌ అనే శక్తిమంతమైన యాంటీ ఆక్సిడెంట్‌ ఉంటుంది. ఇది చర్మానికి సాంత్వననిస్తుంది.
- దీనిలోని విటమిన్‌ ఎ చర్మం పటుత్వానికి కారణమైన కొల్లాజెన్‌ ప్రొటీన్‌ ఉత్పత్తికి దోహదపడుతుంది.
- మామిడిపండు ఫేస్‌ప్యాక్‌ను ముఖానికి రాసుకుంటే చర్మం సున్నితంగా మారుతుంది. అంతేకాదు నల్ల మచ్చలు తొలగిపోతాయి. ముఖం తాజాగా, కాంతిమంతంగా కనిపిస్తుంది.
- ముఖం మీది చర్మం ఒకే రంగులో లేనప్పుడు మామిడి పండు రసాన్ని రుద్దుకోవాలి. దాంతో చర్మం అంతా ఒకే రంగులోకి మారుతుంది.
Updated Date - 2021-04-14T05:30:00+05:30 IST
