నాంపల్లి ఎగ్జిబిషన్ సొసైటీలో అక్రమాలు జరగలేదు: సొసైటీ సభ్యులు

హైదరాబాద్: నాంపల్లి ఎగ్జిబిషన్ గ్రౌండ్‌లో ఏసీబీ సోదాలు కొనసాగుతున్నాయి. సొసైటీ నిధుల గోల్‌మాల్, షాపుల కేటాయింపుపై పెద్ద ఎత్తున ఆరోపణలు వచ్చాయి. సొసైట్ నిధుల గోల్‌మాల్ విషయంలో అవకతవలు జరిగాయనీ ఆరోపణలు వచ్చాయి. ఏసీబీ డిఎస్పీ శ్రీకాంత్ నేతృత్వంలో  ఏసీబీ సోదాలు నిర్వహిస్తున్నారు. అయితే నాంపల్లి ఎగ్జిబిషన్ సొసైటీలో అక్రమాలు జరగలేదని సొసైటీ సభ్యులు అంటున్నారు. మొదటి సారి ఏసీబీ సోదాలు జరుగుతున్నాన్నారు. సొసైటీ కార్యక్రమాలు పారదర్శకంగా జరుగుతున్నాయని పేర్కొన్నారు. నిధుల గోల్‌మాల్ జరిగినట్లు ఏసీబీకి ఫిర్యాదు అందినట్లు తెలిసిందన్నారు. సొసైటీకి చెందిన రికార్డులన్ని ఏసీబీకి చూపిస్తున్నామని చెప్పారు. తమ అకౌంట్స్ ప్రతి సంవత్సరం ఆడిట్ చేస్తామని సొసైటీ సభ్యులు ప్రభాశంకర్ తెలిపారు. సొసైటీ సమావేశాలకు ఈటల ఏనాడూ హాజరుకాలేదు సొసైటీకి చెందిన మరో సభ్యుడు శంకర్ ఆరోపించారు.