Abn logo
Mar 12 2020 @ 00:29AM

చదువులో బ్రేక్‌ అవసరమే!

అదే పనిగా చదివితే పాఠాలు గుర్తుండిపోతాయి అనుకుంటే పొరపాటు. చదువుతో వేడెక్కే బుర్రకు మధ్యలో విశ్రాంతి ఇస్తూ ఉండాలి. వీలైతే కొంత వినోదాన్నీ అందించాలి. ఇందుకోసం...


సరదాగా: పరీక్ష టైమ్‌టేబుల్‌లో కూడా స్టడీ బ్రేక్స్‌ ఉంటూ ఉంటాయి. అలాంటప్పుడు స్టడీ అవర్స్‌లో కూడా బ్రేక్స్‌ లేకపోతే ఎలా? కాబట్టి బ్రేక్‌లో భాగంగా స్నేహితులతో కలిసి సరదాగా డిన్నర్‌కు వెళ్లవచ్చు. పరీక్షల ఒత్తిడి నుంచి మనసును మళ్లించే సరదా కబుర్లలో మునిగి తేలవచ్చు.


వ్యాయామం: పరీక్షలు రాస్తున్నంత మాత్రాన వ్యాయామం మానుకోనవసరం లేదు. మనసు హుషారుగా ఉండాలంటే శరీరం కూడా చలాకీగా ఉండాలి. కాబట్టి జిమ్‌కు వెళ్లే తీరిక లేకపోతే, కనీసం పరుగు, నడకలను ఆశ్రయించాలి. ఇష్టమైన టేబుల్‌ టెన్నిస్‌, బాడ్మింటన్‌ ఆటలు ఆడాలి.


హాట్‌ చాక్లెట్‌: చాక్లెట్‌ ఫ్లేవర్‌ మెదడును చురుగ్గా పని చేయిస్తుంది. కాబట్టి అరుదుగా అయినా, వేడి వేడి చాక్లెట్‌ డ్రింక్‌ తాగుతూ ఉండాలి.