‘‘త్వరలో ఛలో పోలీస్ స్టేషన్‌ల ముట్టడికి పిలుపునిస్తాం’

హైదరాబాద్: శాంతి యుతంగా ఇందిరాపార్కు వద్ద ధర్నా చేస్తున్న కాంగ్రెస్ నేతలను అక్రమంగా అరెస్ట్ చేశారని మాజీ ఎంపీ అంజన్ కుమార్ మండిపడ్డారు. ఛలో రాజ్ భవన్ పిలుపు ఇచ్చామని కాంగ్రెస్ నేతలను ఇష్టం వచ్చినట్టు దాడి చేశారని ఆరోపించారు. పోలీసులు అతి ఉత్సహం చూపిస్తున్నారని ఆగ్రహం వ్యక్తం చేశారు. తెలంగాణ ఇచ్చింది సోనియాగాంధీ, కాంగ్రెస్ పార్టీ అన్నారు. పెట్రోల్ ధరలు, పెగసెస్ స్వాఫ్ట్వేర్‌లకు నిరసనగా ఉద్యమం చేస్తున్నామన్నారు. కాంగ్రెస్ నేతలను ఎక్కడికక్కడ అరెస్ట్ చేశారని, ప్రభుత్వానికి తొత్తులుగా పోలీసులు వ్యవహరిస్తున్నారని పేర్కొన్నారు. కాంగ్రెస్ పార్టీ అధికారంలోకి వస్తుందన్నారు. త్వరలో రాజ్‌భవన్ కాదు ఛలో పోలీస్ స్టేషన్‌ల ముట్టడికి పిలుపు ఇస్తామన్నారు.