Abn logo
Apr 1 2020 @ 03:52AM

కొమ్మదిగని కమ్మని మామిడి!

మధురఫలం మామిడి నోటికి అందేనా? అష్టకష్టాలు పడి శ్రమకోర్చి పండించిన రైతాంగానికి పెట్టుబడులైనా దక్కేనా...ఈ ప్రశ్నలకు లేదనే జవాబు వస్తోంది. ఈఏడాది మామిడి రైతులకు లాభాల పంటే అనుకొనేలోపే కరోనా ప్రభావం విరగ్గాసిన మామిడి తోటలపై పడింది. కొమ్మల మీద మామిడిని చూసి నిన్నటిదాకా రైతులు మురిసిపోయారు. అయితే ఆ కాయలు ఆ కొమ్మలపైనే రాలిపోవాల్సిన పరిస్థితికి వారంతా కుమిలిపోతున్నారు! కోసే కూలీలు, మార్కెట్‌కు తరలించే వాహన డ్రైవర్లు అంతా లాక్‌డౌన్‌తో భౌతిక దూరం పాటిస్తుండటంతో తోటలో కాయలను దించే నాథుడే కరువయ్యాడు! సరిగ్గా  దిగుబడులు వస్తున్న సమయంలో కోతలు జరక్క తోటల్లో ఎక్కడికాయలు  అక్కడే  ఉండిపోయాయి.


పక్వానికి వచ్చినా అమ్ముకునే అవకాశం లేక రైతులు ఆందోళన చెందుతున్నారు.  రోజూ కోట్లరూపాయల మేర జరిగే వ్యాపారం ఒక్కసారిగా ఆగిపోవడంతో రైతులు, వ్యాపారులు  దిక్కుతోచని స్థితిలో ఉన్నారు.  మామిడి ఎగుమతులకు నిబంధనలతో కూడిన అనుమతులిచ్చే దిశగా ప్రభుత్వం ఆలోచన చేయాలని  రైతాంగం, వ్యాపారులు ముక్తకంఠంతో కోరుతున్నారు.                     

-ఆగిరిపల్లి 


Advertisement
Advertisement
Advertisement