ఇది రైతు దగా కదా జగన్..: దేవినేని ఉమ

అమరావతి : ఎన్నికల ముందు అందరికీ సున్నా వడ్డీ అని చెప్పిన వైఎస్ జగన్ మోహన్ రెడ్డి.. సీఎం అయిన తర్వాత ప్లేట్ మార్చేశారని మాజీ మంత్రి, టీడీపీ సీనియర్ నేత దేవినేని ఉమా మహేశ్వరరావు ఆరోపించారు. ఆదివారం నాడు ట్విట్టర్ వేదికగా ఈ విషయాన్ని వెల్లడించారు. ‘ఎన్నికల ముందు అందరికీ సున్నావడ్డీ. ఏడాది తర్వాత జీఓ 4530 ఇచ్చి లక్షలోపే సున్నా వడ్డి (4%). కేంద్రం 3లక్షలకు 3% వడ్డీ రాయితీ ఇస్తుంది. రైతులు అసలు, వడ్డీ ముందే చెల్లించాలంట. ఈ-క్రాఫ్ నమోదవ్వాలంట. మీరిచ్చే రైతు భరోసా సొమ్ము సున్నావడ్డీ, పావలావడ్డీ ఎగవేతతో సరి. చంద్రబాబు నాయుడు చెప్పినట్లు రైతుదగా కాదా..? జగన్ చెప్పండి’ అంటూ దేవినేని ట్వీట్ చేశారు. ఈ ట్వీట్‌ను మాజీ ముఖ్యమంత్రి చంద్రబాబు, సీఎం వైఎస్ జగన్‌కు ట్యాగ్ చేయడంతో పాటు జీవో, పేపర్ ప్రకటనలు జత చేశారు. ఈ ట్వీట్‌కు వైసీపీ నేతలు ముఖ్యంగా ఎంపీ విజయసాయిరెడ్డి, సజ్జల రామకృష్ణారెడ్డి ఎలా రియాక్ట్ అవుతారో వేచి చూడాల్సిందే.