Abn logo
Sep 13 2021 @ 19:22PM

Kuwaitలో వలసదారులకు కొత్త కష్టం.. అడుగుపెట్టగానే వాళ్లంతా మీద పడుతున్నారే..!

కువైత్ సిటీ: కరోనా మహమ్మారి తగ్గుముఖం పట్టడంతో అనేకమంది ఇతర దేశాలకు చెందిన వారు మళ్లీ అక్కడకు చేరుకుంటున్నారు. అనేక దేశాల నుంచి ఇప్పటికే అనేకమంది కువైత్‌లో అడుగుపెట్టి తమ ఉద్యోగాల్లో చేరుతున్నారు. అయితే ఇదే సమయంలో వారిని అనేక సమస్యలు చుట్టుముడుతున్నాయి. ప్రధానంగా కోవిడ్ ముందు కువైత్‌లో ఉండగా చేసిన అప్పులు, ఇళ్ల అద్దెలు, ఈఎంఐలు, లోన్లు.. ఇలా అనేక ఆర్థిక సమస్యలు వారిని ఊపిరాడనివ్వడం లేదు. ఈ సమస్యల నుంచి బయటపడాలంటే ఉద్యోగులకు ఏళ్లు పట్టొచ్చు. లేదా కొన్ని నెలలైనా పట్టొచ్చు.

కోవిడ్ కారణంగా తమ దేశాల్లో లేదా ఇతర దేశాల్లో చిక్కుకుపోయిన ఉద్యోగులు.. కువైత్‌లో తమ అపార్ట్‌మెంట్లను ఖాళీ చేయలేకపోయారు. దీంతో ఆ ఇళ్లన్నీ ఆయా ఉద్యోగుల ఆధీనంలోనే ఉన్నాయి. ఇప్పుడు తిరిగి కువైత్ వెళ్లడం, ఉద్యోగాల్లో చేరడంతో ఇళ్ల యజమానులు ఒక్కసారిగా తమ బకాయిలన్నీ చెల్లించాలని తీవ్ర ఒత్తిడి చేస్తున్నారు. దీనికి తోడు కార్ల ఈఎంఐలు, ఇతర ఈఎంఐలు, లోన్లు తిరిగి చెల్లించాలని ఆయా సంస్థలు ఒత్తిడి చేస్తున్నాయి. కొందరి విషయంలో ఇది కోర్టుల వరకు వెళుతోంది. దీంతో సదరు విదేశీ ఉద్యోగులు కువైత్‌లో కొత్త సమస్యతో సతమవుతున్నారు. 

తాజా వార్తలుమరిన్ని...