గూగుల్‌ క్రోమ్‌-మరింత వేగంగా...

గూగుల్‌ క్రోమ్‌ బ్రౌజర్‌ మరింత వేగంగా పని చేయాలంటే ఏమైనా సెట్టింగ్స్‌ ఉంటే తెలియజేయగలరు? 

- నిరుపమ్‌

గూగుల్‌ క్రోమ్‌ బ్రౌజర్‌ పనితీరు ప్రధానంగా ర్యామ్‌ మీద ఆధారపడి ఉంటుంది. ఎంత ఎక్కువ ర్యామ్‌ ఉంటే అంత వేగంగా అది స్పందిస్తుంది. కాబట్టి పెద్ద మొత్తంలో ర్యామ్‌ ఇన్‌స్టాల్‌ చేసుకోవడం చాలా అవసరం. దానితో పాటు ఒకసారికి కేవలం పరిమిత మొత్తంలో మాత్రమే టాబ్స్‌ ఓపెన్‌ చేసి పెట్టుకోవడం సురక్షితం. టాబ్‌ సస్పెండర్‌ లాంటి థర్డ్‌-పార్టీ ఎక్స్‌టెన్షన్లను ఇన్‌స్టాల్‌ చేయడం ద్వారా బ్యాక్‌ గ్రౌండ్‌ టాబ్స్‌ మెమరీని వినియోగించుకోకుండా ఎప్పటికప్పుడు అడ్డుకోవచ్చు. దీనివల్ల కొంతవరకు క్రోమ్‌ పనితీరు మెరుగుపడుతుంది.