ఆన్‌లైన్‌లో విచారణకు అనుమతి కోరండి

హైదరాబాద్‌, నవంబరు 30(ఆంధ్రజ్యోతి): కొవిడ్‌-19 నేపథ్యంలో అత్యవసర సుమోటో కేసుగా తీసుకున్న కేసులో ఫుల్‌కోర్టు ఆన్‌లైన్‌ కోర్టులను ఎత్తివేస్తూ నవంబరు 25న ఆదేశాలు జారీచేసింది. అయితే, ఈ ఆదేశాలపై డిసెంబరు 11 వరకు స్టే ఇచ్చింది. డిసెంబరు 11తో స్టే ముగుస్తున్నందున... ఇంకా ఆన్‌లైన్‌లో కేసుల విచారణ కొనసాగించాలంటే ఈ కోర్టు ఇచ్చిన ఆదేశాలను జతపర్చుతూ సంబంధిత కోర్టులను కోరాలని సూచించింది. హైకోర్టు ఆదేశాలు అమలు చేసేందుకు ఈ ఆదేశాలను జిల్లాల యూనిట్‌ హెడ్స్‌ అందరూ... వారి కింద నున్న ప్రిసైడింగ్‌ ఆఫీసర్లకు తెలియపర్చాలని సూచించింది. ఈమేరకు తెలంగాణ హైకోర్టు రిజిస్ర్టార్‌ జనరల్‌ ఎ.వెంకటేశ్వరరెడ్డి పేరిట సోమవారం ఉత్తర్వులు వెలువడ్డాయి.