చంద్రబాబు కుట్రలో భాగంగానే అయ్యన్న వ్యాఖ్యలు: అవంతి
ABN , First Publish Date - 2021-09-18T02:53:43+05:30 IST
చంద్రబాబు కుట్రలో భాగంగానే అయ్యన్న వ్యాఖ్యలు ఉన్నాయని మంత్రి
విశాఖ: చంద్రబాబు కుట్రలో భాగంగానే అయ్యన్న వ్యాఖ్యలు ఉన్నాయని మంత్రి అవంతి శ్రీనివాస్ అన్నారు. అయ్యన్నపాత్రుడికి మానసిక పరిస్థితి బాగులేదోమోనని మంత్రి అవంతి సందేహం వ్యక్తం చేసారు. వైఎస్ అభిమానులను రెచ్చగొట్టే విధంగా అయ్యన్నపాత్రుడు ఇష్టానుసారం మాట్లాడారని అవంతి పేర్కొన్నారు. అయ్యన్న వ్యాఖ్యలను సుమోటోగా తీసుకొని అరెస్ట్ చేయాలని మంత్రి అవంతి డిమాండ్ చేసారు. అయ్యన్నపాత్రుడు 48 గంటల్లోగా క్షమాపణలు చెప్పాలన్నారు. లేకపోతే జరిగే పరిణామాలకు బాధ్యత తమది కాదని మంత్రి అవంతి హెచ్చరించారు.
