రేపటి నుంచి జిల్లా కేంద్రాల్లో రిలే నిరాహార దీక్ష: షర్మిల

హైదరాబాద్: ఉద్యోగాల భర్తీకి ప్రభుత్వం నోటిఫికేషన్లు ఇచ్చే వరకు ఆందోళన కొనసాగుతుందని వైఎస్ షర్మిల స్పష్టం చేశారు. అంతే కాకుండా ఈ విషయమై రేపటి నుంచి అన్ని జిల్లా కేంద్రాల్లో రిలే నిరాహార దీక్షలు చేపట్టనున్నట్లు ఆమె తెలిపారు. ఆదివారం హైదరాబాద్‌లోని ఆమె నివాసంలో మీడియాతో మాట్లాడుతూ నిరుద్యోగులకు న్యాయం జరిగే వరకు అందరూ అండగా నిలబడాలని అన్నారు. అయితే ఈ ఆందోళనలకు తాను హాజరు కాలేకపోవచ్చని, కోవిడ్ దృష్ట్యా ఉన్న ఇబ్బందులను దృష్టిలో పెట్టుకోవాలని సూచించారు. అందరూ కలిసి రావాలని, తెలంగాణ‌లో ఇక భ‌విష్య‌త్ తమదేనని అన్నారు. తమతో క‌ష్ట‌ప‌డిన ప్ర‌తి నాయ‌కుడికి, కార్య‌కర్త‌కు స‌ముచిత స్థానం ఉంటుందని షర్మిల హామీ ఇచ్చారు.