తల్లిపై లైంగిక దాడి.. ఆపై హత్య చేసిన కుమారుడు.. మదర్స్ డే ముందురోజే దారుణం!

వాషింగ్టన్: సంవత్సరంలో ఒక్కరోజు తల్లులకు అంకితం చేస్తూ ప్రపంచ వ్యాప్తంగా మదర్స్ డే జరుపుకుంటారు. అలాంటి మదర్స్ డేకు సరిగ్గా ఒక్కరోజు ముందు ఒక కుమారుడు సొంత తల్లిపై లైంగిక దాడికి పాల్పడ్డాడు. ఆపై ఆమెను హత్య చేశాడు. ఈ ఘటన అమెరికాలో జరిగింది. సదరు నిందితుడు భారతీయ సంతతికి చెందిన వ్యక్తి. తల్లిని హతమార్చిన తర్వాత నేరుగా పోలీస్ స్టేషన్‌కు వెళ్లిన నిందితుడు తన నేరం ఒప్పుకున్నాడట. ఈ విషయాన్ని పోలీసులు వెల్లడించారు. తాను నిద్ర లేవడమే ఎవరో ఒకరిని తీవ్రంగా గాయపరచాలనే కోరిక కలిగిందని, దాన్ని తట్టుకోలేక ఇలా చేశానని చెప్పాడట. అతనిపై కేసు నమోదు చేసుకున్న పోలీసులు.. దర్యాప్తు చేస్తున్నారు.