Abn logo

యెరియప్ప

విజయదశమి రోజున కేరళ ప్రజలు చేసుకునే రెసిపీ ఇది. అన్ని దక్షిణాది రాష్ట్రాల్లో ఈ వంటకం తయారు చేస్తుంటారు. 


కావలసినవి: బియ్యం - ఒకకప్పు, పెసర్లు - రెండు టీస్పూన్లు, మెంతులు - ఒక టీస్పూన్‌, కొబ్బరి తురుము - అరకప్పు, బెల్లం - అరకప్పు, యాలకులు - మూడు, రవ్వ - రెండు టీస్పూన్లు, నూనె - తగినంత.


తయారీ విధానం: ముందుగా బియ్యం, పెసర్లు, మెంతులను మూడు నాలుగు గంటలపాటు నానబెట్టుకోవాలి. తరువాత మిక్సీలో వేసి గ్రైండ్‌ చేయాలి. కొబ్బరి తురుము, బెల్లం, యాలకులు వేసి మరోసారి గ్రైండ్‌ చేయాలి. నీళ్లు కొద్దిగా పోయాలి. నీళ్లు ఎక్కువగా పోస్తే మిశ్రమం పలుచగా అవుతుంది.


ఈ మిశ్రమంలో కొద్దిగా రవ్వ కలిపితే యెరియప్పలు క్రిస్పీగా వస్తాయి. మిశ్రమం పలుచగా కాకుండా ఇడ్లీ పిండి మాదిరిగా ఉండేలా చూసుకోవాలి. ఇప్పుడు స్టవ్‌పై పాన్‌ పెట్టి నూనె పోయాలి. నూనె వేడెక్కిన తరువాత ఈ మిశ్రమాన్ని గరిటెతో తీసుకుని వేయాలి. చిన్నమంటపై రెండు వైపులా గోధుమ రంగులోకి మారే  వరకువేగించాలి. బయటకు తీసిన తరువాత వెడల్పాటి మూతతో యెరియప్పలను ఒత్తాలి. ఇలా చేస్తే  వాటికి పట్టిన ఎక్కువ నూనె పోతుంది.


గుజరాతీ హండ్వా లుక్మీ సమోసా ఆలూ బరడాదోసకాయ బరడాబరడా పాల్యా (సెనగపప్పు బరడా)రోస్టెడ్‌ ఎగ్‌ప్లాంట్‌ బెల్‌ పెప్పర్‌ సలాడ్‌లివర్ ఫ్రాంకీ (వీడియో)ఆనియన్ రింగ్స్పొటాటో ఫింగర్స్అలసందా పెరుగు వడ(వీడియో)
Advertisement
Advertisement