'స్పెల్లింగ్-బీ' విజేత జైలా అవంత్.. తొలి ఆఫ్రికన్ అమెరికన్గా రికార్డ్!
ABN , First Publish Date - 2021-07-09T16:13:17+05:30 IST
ప్రతిష్ఠాత్మక స్ర్కిప్స్ నేషనల్ 'స్పెల్లింగ్-బీ' పోటీల్లో లూసియానా రాష్ట్రంలోని హర్వేకు చెందిన అఫ్రికన్ అమెరికన్ జైలా అవంత్ గార్డె(14) విజేతగా నిలిచారు.
వాషింగ్టన్: ప్రతిష్ఠాత్మక స్ర్కిప్స్ నేషనల్ 'స్పెల్లింగ్-బీ' పోటీల్లో లూసియానా రాష్ట్రంలోని హర్వేకు చెందిన అఫ్రికన్ అమెరికన్ జైలా అవంత్ గార్డె(14) విజేతగా నిలిచారు. దీంతో ఈ ఘనత సాధించిన తొలి ఆఫ్రికన్ అమెరికన్గా ఆమె సరికొత్త రికార్డు సృష్టించారు. అంతేగాక 96 ఏళ్ల 'స్పెల్లింగ్-బీ' పోటీల చరిత్రలో ఛాంపియన్గా నిలిచిన రెండో నల్లజాతీయురాలు కూడా జైలానే. ఫోర్లిడా రాష్ట్రంలోని లేక్ బ్యూయేనా విస్టా వేదికగా గురువారం రాత్రి(అమెరికా కాలమానం ప్రకారం) ఈ పోటీలు జరిగాయి. మొత్తం 11 మంది ఫైనలిస్టుల్లో 9 మంది భారత సంతతి బాలలు ఉండగా.. వారందరినీ వెనక్కి నెట్టి జైలా విజేతగా నిలిచారు. భారత సంతతికి చెందిన చైత్ర తుమ్మల రన్నరప్తో సరిపెట్టుకున్నారు. కాగా, జైలా, చైత్ర ఇద్దరూ 2015 'స్పెల్లింగ్-బీ' రన్నరప్ వద్ద శిక్షణ పొందారు.
ఇద్దరిలో జైలా చాంఫియన్గా ట్రోఫీ గెలిస్తే, చైత్ర రన్నరప్గా నిలవడం విశేషం. ఇక ఛాంపియన్గా నిలిచిన జైలా తొలి ఆఫ్రికన్ అమెరికన్గా, రెండో నల్లజాతీయురాలిగా చరిత్ర సృష్టించారు. జైలా కంటే ముందు 1998లో జోడి అన్నీ మ్యాక్స్వెల్ అనే విద్యార్థిని ఈ పోటీల్లో గెలిచిన తొలి నల్లజాతీయురాలు. ఇక ఈ కార్యక్రమానికి హాజరైన అమెరికా ప్రథమ మహిళ జిల్ బైడెన్ విజేత జైలాను అభినందించారు. అంతకుముందు 11 మంది ఫైనలిస్టులతో పాటు వారి కుటుంబ సభ్యులను జిల్ కలిసి ముచ్చటించారు. ఇదిలాఉంటే.. బాస్కెట్బాల్ క్రీడాకారిణి అయిన జైలా పేరిట మూడు గిన్నిస్ బుక్ రికార్డులు కూడా ఉన్నాయి. ఒకటి కన్నా ఎక్కువ బంతులతో బాస్కెట్బాల్ ఆడినందుకు ఆమె గిన్నీస్ బుక్ రికార్డుకెక్కారు.