వినోబా భావే, సుబ్రహ్మణ్య భారతిలకు ప్రధాని మోదీ నివాళులు

న్యూఢిల్లీ: ఈరోజు స్వాతంత్య్ర సమరయోధుడు వినోబా భావే జయంతి సందర్భంగా ప్రదాని నరేంద్ర మోదీ ఆయనకు నివాళులు అర్పించారు. ఈ సందర్భంగా మోదీ మాట్లాడుతూ వినోబా భావే దేశానికి స్వాతంత్ర్యం లభించాక మహాత్మాగాంధీ సిద్ధాంతాలను ముందుకు తీసుకువెళ్లారన్నారు. 

తన జీవితాన్ని గాంధీ మార్గానికి అంకితం చేశారన్నారు. భూదానోద్యమానికి విశేషంగా కృషి చేశారని తెలిపారు. భూమిలేని నిరుపేదలకు భూములను పంచిపెట్టే యజ్ఞాన్ని నెరవేర్చారన్నారు. ఇదేవిధంగా ప్రధాని మోదీ తమిళ సాహితీవేత్త సుబ్రహ్మణ్య భారతి వర్థంతి సందర్భంగా ఆయనకు కూడా నివాళులు అర్పించారు. ఈరోజు సుబ్రహ్మణ్యభారతి 100వ వర్థంతి కార్యక్రమాలు జరుగుతున్నాయి.