Botsa Satyanarayana: చంద్రబాబు సమాధానం చెప్పాలి

Vijayanagaram: మాజీ సీఎం చంద్రబాబు హయాంలో విజయనగరం, విశాఖపట్నం, శ్రీకాకుళం జిల్లాలో జరిగిన అభివృద్ధి ఏమిటో చెప్పాలని మంత్రి బొత్స సత్యనారాయణ (Minister Botsa Satyanarayana) డిమాండ్ చేశారు. బొబ్బిలిలో నిర్వహించిన వైసీపీ (YCP) విస్తృతస్థాయి సమావేశంలో ఆయన మాట్లాడుతూ.. అశోకగజపతిరాజు‌కి కేంద్ర మంత్రి పదవి ఇచ్చిన చంద్రబాబు.. ఉత్తరాంధ్రలో ఆ పదవికి బీసీలకు ఎందుకు ఇవ్వలేక పోయారని ప్రశ్నించారు. టీటీడీ చైర్మన్, ఉత్తరాంధ్ర జిల్లాల వైసీపీ కోఆర్డినేటర్ వైవీ సుబ్బారెడ్డి మాట్లాడుతూ..రాష్ట్రం ప్రభుత్వం‌పై ప్రతిపక్షం ఏ స్థాయిలో దుష్ప్రచారం చేస్తుందో ప్రజలు గమనిస్తున్నారని పేర్కొన్నారు. ప్రభుత్వ పదవులన్నింటిలో కూడా 50 శాతం బీసీ, ఎస్సీ, ఎస్టీ, మైనారిటీలకు ఇచ్చిన ఘనత ముఖ్యమంత్రి జగన్మోహన్ రెడ్డిదేనన్నారు.