AP News: వైసీపీ‌లో బయటపడ్డ వర్గ విభేదాలు

Anantapuramu: ఉరవకొండలో వైసీపీ(YCP) వర్గ విభేదాలు బయటపడ్డాయి. రీజనల్ కోఆర్డినేటర్, మంత్రి పెద్దిరెడ్డి రామచంద్రారెడ్డి సమక్షంలో మాజీ ఎమ్మెల్యే విశ్వేశ్వరరెడ్డి, ఆయన సోదరుడు మధుసూధన్ రెడ్డి వాగ్వాదానికి దిగారు. మూడున్నర ఏళ్లుగా నియోజకవర్గ సమన్వయ కమిటీ సమావేశం ఏర్పాటు చేయలేదని మధుసూదన్ రెడ్డి అసంతృప్తి వ్యక్తం చేస్తూ.. మంచి నాయకుడిని ఎన్నుకోవాలని పెద్దిరెడ్డిని కోరారు. మధుసూదన్ రెడ్డి వ్యాఖ్యలపై విశ్వేశ్వరరెడ్డి అభ్యంతరం వ్యక్తం చేశారు. ఈ నేపథ్యంలో మధు, విశ్వేశ్వర్ రెడ్డిని మంత్రి పెద్దిరెడ్డి వారించారు. బల ప్రదర్శన కోసం సమావేశం పెట్టలేదని, పార్టీ పరంగా సమస్యలుంటే తన దృష్టికి తేవాలని ఇద్దరిని మందలించారు పెద్దిరెడ్డి.