Raghuveera Reddy: మహా నేతను కోల్పోవడం చాలా బాధాకరం..

కృష్ణా జిల్లా (Krishna Dist.): అందరి కష్టాలు తనవిగా భావించి వైఎస్ రాజశేఖర్ రెడ్డి (YS Rajasekhar Reddy) పాలన సాగించారని మాజీ మంత్రి రఘువీరారెడ్డి (Raghuveera Reddy) అన్నారు. శుక్రవారం వైఎస్ఆర్ వర్ధంతి (YSR Vardhanthi) సందర్భంగా కృష్ణాజిల్లా, అంపాపురంలో వైఎస్సార్ విగ్రహాన్ని ఆవిష్కరించారు. ఈ కార్యక్రమాలో పాల్గొన్న ఆయన మాట్లాడుతూ అటువంటి మహా నేతను కోల్పోవడం చాలా బాధాకరమన్నారు. ప్రతిరోజూ మేమంతా వైఎస్సార్‌ను గుర్తు చేసుకుంటామని చెప్పారు. రైతులు, ఉద్యోగులు, మహిళలు వైఎస్సార్ పాలనను జ్ఞాపకం చేసుకుంటారని, వైఎస్సార్ ఆలోచనను నేటి రాజకీయ నాయకులకు ఇవ్వాలని భగవంతుడిని కోరుతున్నానన్నారు. వైయస్సార్ ప్రతి అడుగు, ఉచ్చ్వాస, నిశ్వాసలో కేవీపీ రామచంద్రరావు ఉన్నారని, వాళ్లిద్దరి అనుబంధం గురించి అందరికీ తెలుసునని అన్నారు. జాతీయ రహదారిపై వెళ్లే వాళ్లకి కూడా వైఎస్సార్ కనిపించేలా కేవీపీ పెద్ద విగ్రహం ఏర్పాటు చేశారని రఘువీరారెడ్డి అన్నారు.