‘మార్చి వరకు హంద్రీ నీవా నీరు వదలాలి’
ABN , First Publish Date - 2022-12-15T01:04:36+05:30 IST
రాష్ట్ర ప్రభుత్వం హంద్రీనీవా నీరు వచ్చే ఏడాది మార్చి వరకు వదలాలని సీపీఎం జిల్లా కార్యదర్శి గౌస్‌ దేశాయ్‌, కార్యవర్గ సభ్యులు కేవీ నారాయణ హంద్రీనీవా కర్నూలు సర్కిల్‌ ఎస్‌ఈని కలిసి బుధవారం వినతి పత్రం ఇచ్చారు.
కర్నూలు (అగ్రి కల్చర్‌), డిసెంబరు 14: రాష్ట్ర ప్రభుత్వం హంద్రీనీవా నీరు వచ్చే ఏడాది మార్చి వరకు వదలాలని సీపీఎం జిల్లా కార్యదర్శి గౌస్‌ దేశాయ్‌, కార్యవర్గ సభ్యులు కేవీ నారాయణ హంద్రీనీవా కర్నూలు సర్కిల్‌ ఎస్‌ఈని కలిసి బుధవారం వినతి పత్రం ఇచ్చారు. ఈ సందర్భంగా వారు మాట్లాడుతూ హంద్రీనీవా కాలువ కింద జిల్లాలో కృష్ణగిరి, తుగ్గలి, పత్తికొండ, దేవనకొండ మండలాల్లో రైతులు 40వేల ఎకరాల్లో ప్రస్తుత రబీలో పంటలు సాగు చేశారని, కేవలం విద్యుత్‌ చార్జీలను చెల్లించలేక తెలంగాణ రాష్ట్రం పైసాకు పెట్టి శ్రీశైలం జలాశయం నీటిని హంద్రీనీవా కాలువకు ఈ నెలాఖరు వరకే ఇస్తామని చెప్పడం దారుణ మన్నారు. ఈ సంవత్సరం ఖరీఫ్‌లో అధిక వర్షాలు రావడం వల్ల తెగుళ్లు సోకి మరోవైపు నకిలీ పత్తి విత్తనాల వల్ల పంట దిగుబడులు పూర్తిగా తగ్గాయని, కనీసం రబీలోనైనా పంటలు సాగు చేసి నష్టాన్ని పూడుస్తామని ఆశ పడితే ప్రభుత్వం హంద్రీనీవా కాలువకు ఈ నెలా ఖరు వరకే నీళ్లను ఇస్తామని చెప్పడం దారుణమన్నారు. ప్రభుత్వం మార్చి నెలాఖరు వరకు నీళ్లు ఇవ్వక పోతే రైతులను సమీకరించి ఆందోళన చేపడుతామని హెచ్చరించారు.
