Pawan Kalyan: విజయనగరానికి పవన్‌

విజయనగరం: విజయనగరం కార్పొరేషన్‌ (Vizianagaram Corporation) పేదలకోసం నగరానికి సమీపంలో గుంకలాం వద్ద ఏర్పాటుచేసిన జగనన్న లేఅవుట్‌ను జనసేన అధినేత పవన్‌కల్యాణ్‌ (Pawan Kalyan) ఆదివారం పరిశీలించనున్నారు. రాష్ట్రంలోనే భారీ లేఅవుట్‌గా ప్రచారం చేసుకున్న ఈ ప్రాంతంలో ఇప్పటికీ ఇళ్ల నిర్మాణం అరకొరగానే చేపట్టారు. మౌలిక వసతులు కల్పించలేదు. ఇదే విషయాన్ని పవన్‌ పరిశీలించి లబ్ధిదారులతో మాట్లాడనున్నారు. ఆదివారం ఉదయం విశాఖ (Visakha)లో బయలుదేరి 10గంటలకు విజయనగరం మండలం గుంకలాం గ్రామ సమీపంలోని లేఅవుట్‌కు చేరుకుంటారు. 397 ఎకరాల్లో ఉన్న లేఅవుట్‌లో ఇళ్ల నిర్మాణ పరిస్థితిని పరిశీలిస్తారు. ఆయా లబ్ధిదార్లను అడిగి సమస్యలు తెలుసుకుంటారు. అక్కడ జరిగిన అక్రమాలపై పవన్‌కల్యాణ్ ఆరా తీస్తారు.