త్వరలో మినీ డంపింగ్‌ షెడ్లు
ABN , First Publish Date - 2022-10-25T22:12:09+05:30 IST
జిల్లాలో అవసరమైన అన్ని ప్రాంతాల్లో మినీ డంపింగ్‌ షెడ్లను త్వరలో నిర్మించనున్నట్లు జిల్లా పంచాయతీ అధికారి జీవీ నారాయణరెడ్డి తెలిపారు.
డీపీవో నారాయణరెడ్డి
దొనకొండ, అక్టోబరు 25 : జిల్లాలో అవసరమైన అన్ని ప్రాంతాల్లో మినీ డంపింగ్‌ షెడ్లను త్వరలో నిర్మించనున్నట్లు జిల్లా పంచాయతీ అధికారి జీవీ నారాయణరెడ్డి తెలిపారు. మండలంలోని ఆరవళ్లిపాడు, పెద్దన్నపాలెం గ్రామాల్లోని డంపింగ్‌ యా ర్డులను మంగళవారం ఆయన తనిఖీ చేశారు. ఈ సందర్భంగా ఆయన మా ట్లాడుతూ కలెక్టర్‌ ఆదేశాల మేరకు ప్రతి మంగళ, శుక్రవారాల్లో జిల్లాలోని ప్రతి మం డలాన్ని ఒక అధికారి సందర్శించి స్వచ్ఛసంకల్పంలో భాగంగా సీజనల్‌ వ్యాధులు, దో మల ఉత్పత్తి నివారణకు ప్రత్యేక చర్యలు తీసుకుంటామన్నారు. గ్రామాల్లో ప్రజలు ఇంటిలోని చెత్తను ఇంటివద్దనే తడిచెత్తను, పొడి చెత్తను వేరుగావేరుగా వేస్తే పొడి చెత్త ద్వారా ప్లాస్టిక్‌, అట్టముక్కలు అమ్ముకోవడం, తడి చెత్త ద్వారా రైతులకు ఉప యోగపడేలా వానపాములతో ఎరువును తయారు చేయడం ద్వారా పంచాయతీల కు ఆదాయం చేకూరుతుందన్నారు. గ్రామాల్లో చెత్తను ఎక్కడపడితే అక్కడ వేయ కుండా అవసరమైన గ్రామాల్లో మినీ షెడ్లు ఏర్పాటు చేసి అక్కడ చెత్తను డంప్‌ చేసి వారానికి తరలించేలా చర్యలు చేపట్టబోతున్నామన్నారు. జిల్లాలో మోడల్‌, చూడ చక్కని గ్రామాలుగా తీర్చదిద్దటమే ధ్యేయంగా కలెక్టర్‌ ముందుకు సాగుతున్నా రన్నారు. పేదల నిర్మాణ లబ్ధిదారులు డిసెంబరు 20 నాటికి నిర్మాణాలు పూర్తి చేసే లా చర్యలు చేపడుతున్నట్లు వివరించారు. అనంతరం గ్రామాల్లో విస్తృతంగా పర్య టించి పారిశుధ్య నివారణకు తీసుకోవాల్సిన జాగ్రత్తలను సిబ్బందికి వివరించారు. ఈ కార్యక్రమంలో ఎంపీడీవో ఎస్‌ఎండీ దావూద్‌, ఇన్‌చార్జి ఈవోఆర్‌డీ పొట్ల కృష్ణమూర్తి, గ్రామ కార్యదర్శి పి ఎల్లబాబు, పి ధనలక్ష్మీ, ఆరోగ్య సిబ్బంది పాల్గొన్నారు.
