టీడీపీలోకి ఉప సర్పంచ్‌

దత్తిరాజేరు, నవంబరు 4: కోమటిపల్లి గ్రామానికి చెందిన వైసీపీ నాయకుడు, ఉప సర్పంచ్‌ వసంత శ్రీనివాసరావు వైసీపీకి రాజీనామా చేసి తెలుగుదేశం పార్టీలో శుక్రవారం చేరారు. మాజీ ఎమ్మెల్యే కేఏ నాయుడు అతన్ని పార్టీలోకి ఆహ్వానించారు. శ్రీనివాసరావు వెంట మరో 200 మంది వైసీపీ కార్యకర్తలు కూడా తెలుగుదేశంలో చేరారు. ఈ సందర్భంగా ఆయన మాట్లాడుతూ రాష్ట్రంలో ప్రజా వ్యతిరేక పాలన సాగుతోందని, వైసీపీ నాయకుల దౌర్జన్యాలు పెరిగిపోయాయని, విసుగుచెంది పార్టీకి రాజీనామా చేశానని చెప్పారు. రానున్న రోజుల్లో తెలుగుదేశం పార్టీని బలోపేతం చేసి మళ్లీ గజపతినగరం నియోజకవర్గంలో కేఏనాయుడును ఎమ్మెల్యే చేసేంతవరకు కృషి చేస్తామని ప్రకటించారు. తెలుగుదేశం పార్టీ అభివృద్ధికి అహర్నిశలూ పనిచేయాలని ఈ సందర్భంగా కేఏ నాయుడు పిలుపునిచ్చారు. కార్యక్రమంలో తెలుగుదేశం నాయకులు కువైట్‌ రాము, రామారావు తదితరులు పాల్గొన్నారు.