నేటి నుంచి ఫారెస్ట్‌ కన్జర్వేటర్స్‌ పరీక్షలు

కలెక్టరేట్‌, నవంబరు 8: ఏపీపీఎస్సీ నిర్వహిస్తున్న అసిస్టెంట్‌ కన్జర్వేటర్‌ ఆఫ్‌ ఫారెస్టు పరీక్షలు బుధవారం నుంచి 11వ తేదీ వరకూ జరుగుతాయని డీఆర్‌వో గణపతిరావు తెలిపారు. పరీక్షల ఏర్పాట్లపై మంగళవారం తన చాంబర్‌లో సమీక్షించారు. గాజులరేగలోని సత్య ఇంజినీరింగ్‌ కళాశాల కేంద్రంగా జరుగుతాయని చెప్పారు. ఆన్‌లైన్‌ పరీక్షలకు 340 మంది విద్యార్థులు హాజరు కానున్నారని.. 9,10 తేదీల్లో ఉదయం 9.30 నుంచి 12 వరకూ, మధ్యాహ్నం 2.30 నుంచి 5 గంటల వరకూ రెండు పూటలా జరుగుతాయని, 11వ తేదీన ఉదయం మాత్రమే ఉంటుందని వివరించారు. ఎలాంటి అవాంఛనీయ సంఘటనలు జరగకుండా ప్రశాంత వాతావరణంలో పరీక్షలు సాగేలా చూడాలని చెప్పారు. పరీక్ష కేంద్రంలో అవసరమైన ఇంటర్నెట్‌ కనెక్షన్‌, సిటింగ్‌ ప్లాన్‌, 144 సెక్షన్‌ అమలును పర్యవేక్షించాలని ఆదేశించారు. అభ్యర్థులు గంట ముందే పరీక్ష కేంద్రానికి చేరుకోవాలన్నారు. సమావేశంలో ఏపీపీఎస్సీ సభ్యులు పాల్గొన్నారు.