Gujarat election Results : కాంగ్రెస్ అభ్యర్థి ఆత్మహత్యాయత్నం... ఈవీఎంల ట్యాంపరింగ్ జరిగిందని ఆరోపణ...

గాంధీ నగర్ : గుజరాత్ శాసన సభ ఎన్నికల ఫలితాలు వెలువడుతున్న సమయంలో గాంధీధామ్ కాంగ్రెస్ అభ్యర్థి భరత్‌భాయ్ వేల్జిభాయ్ సోలంకి ఆత్మహత్యాయత్నం చేశారు. ఓ తాడుతో తన మెడకు ఉరి బిగించుకున్నారు. ఓట్ల లెక్కింపులో ఈవీఎంల ట్యాంపరింగ్ జరిగిందని ఆరోపించారు. కొన్ని ఈవీఎంలకు సక్రమంగా సీలు వేయలేదన్నారు.

బీజేపీ అభ్యర్థి మాలతి కిశోర్ మహేశ్వరి కన్నా సుమారు 12,000 ఓట్లతో వెనుకబడి ఉన్నట్లు తెలుసుకున్న సోలంకి తీవ్ర ఆగ్రహంతో ఓ తాడుతో తన మెడకు ఉరి బిగించుకున్నారు. ఓట్లను లెక్కిస్తున్న గదిలో అక్రమాలు జరుగుతున్నాయని ఆరోపించారు. తాను ఈ సమస్యను లేవనెత్తినప్పటికీ ఎవరూ చర్యలు తీసుకోవడం లేదని మండిపడ్డారు.