Munugodu bypoll: ఓటు వేసేందుకు ఆసక్తి చూపని శివన్నగూడెం ప్రజలు... ఎందుకంటే

నల్గొండ: జిల్లాలోని మర్రిగూడ మండలం శివన్న గూడెం గ్రామంలో పోలింగ్ (Munugodu by poll)మందకొడిగా సాగుతోంది. శివన్నగూడెం ప్రాజెక్టు (Shivanna gudem voters) భూ నిర్వాసితులు ఎక్కువగా ఉండటంతో ఓటు వేసేందుకు ఓట్లరు ఆసక్తి చూపని పరిస్థితి నెలకొంది. భూ నిర్వాసితులకు డబ్బులు విడుదల చేయడంతో పాటు ఆర్‌ఎన్‌ఆర్ ప్యాకేజ్ ఇచ్చినప్పటికీ ప్రజలు ఓటు హక్కు వినియోగించుకునేందుకు ముందుకు రాలేకపోతున్నారు. ఈ గ్రామంలో ప్రభుత్వం ఎన్నో నిధులు కేటాయిస్తామని చెప్పినప్పటికీ ప్రభుత్వాన్ని నమ్మే పరిస్థితి కనిపించడం లేదు. ఇందుకు నిదర్శనంగా ఇప్పటి వరకు శివన్న గూడెం గ్రామంలో 33శాతం పోలింగ్ మాత్రమే నమోదు అయినట్లు ప్రొసీడింగ్ ఆఫీసర్ తెలియజేశారు.