Viral: ఒక్కరాత్రిలో ధనవంతుడిగా మారిపోయిన వ్యక్తి.. తండ్రి ఆత్మ ఇచ్చిన సలహాతో..

ఇంటర్నెట్ డెస్క్: లాటరీలో ఇటీవల 44 వేల డాలర్లు (సుమారు రూ. 33 లక్షలు) గెలుచుకున్న ఓ అమెరికా(America) వ్యక్తి తనను అదృష్టం వరించడానికి కారణం తన తండ్రి ఆత్మ ఇచ్చిన సలహాయేనని చెప్పుకొచ్చారు. లాటరీ టిక్కెట్లతో తాను కోట్లకు పడగలెత్తుతానని తండ్రి ఆత్మ చెప్పడంతోనే తాను టిక్కెటు కొన్నట్టు మేరీల్యాండ్(Maryland) రాష్ట్రానికి చెందిన విజ్జీ బ్రున్స్విక్(55) తెలిపారు. ఆత్మలతో సంభాషించే ఓ వ్యక్తి(సైకిక్) ద్వారా తండ్రి ఇచ్చిన సందేశం తనకు అందిందని వివరించాడు. తండ్రి సూచన మేరకు మొదట విజ్జీ.. పవర్ బాల్(Power Ball), మెగా మిలియన్(Mega Millions) టిక్కెట్లు కొనుక్కున్నాడు. తండ్రి సూచించిన నెంబర్లనే లాటిరీ టిక్కెట్లపై ఎంచుకున్నాడు. కానీ.. లాటరీ తగల్లేదు.

అయితే నవంబర్ 18న ఆయన తనకు నచ్చిన సంఖ్యలున్న లాటరీ టిక్కెట్లను కొనుగోలు చేశారు. ఈ క్రమంలో విజ్జీకి లాటరీ తగలడంతో ఆయన రాత్రికి రాత్రి లక్షాధికారి అయిపోయాడు. రెండు లాటరీల్లోనూ ఆయనను అదృష్టం వరించడంతో మొత్తం 44 వేల డాలర్లు గెలుచుకున్నారు. ఈ డబ్బుతో తన కుటుంబానికి మంచి భవిష్యత్తు ఇచ్చేందుకు ప్రయత్నిస్తానని విజ్జీ తెలిపారు. ఇప్పటికే తనకున్న ఇంటి లోన్, ఇతర అప్పులు తీరిపోయాయని చెప్పారు. కార్లు నిర్మించడమం తనకు ఇష్టమైన వ్యాపకమని చెప్పిన విజ్జీ, లాటరీ డబ్బులో కొంత మొత్తాన్ని ఇందుకోసం కేటాయిస్తానని తెలిపాడు. విజ్జీ తండ్రికి కూడా లాటరీ టిక్కెట్లు కొనే అలవాటు ఉండేది. కాగా.. మేరీ ల్యాండ్‌కు చెందిన ఓ 68 ఏళ్ల మహిళను కూడా ఇలాగే అదృష్టం వరించింది. తన చెల్లెలికి కలలో కనిపించిన నెంబర్లపై లాటరీ టిక్కెట్ కొన్న ఆమె సుమారు రూ.20 లక్షలు గెలుచుకుంది.