Viral Video: పగబట్టిన పాము వెంటబడుతోందని పరుగులు పెట్టాడు.. తీరా చివరకు గమనిస్తే..
ABN , First Publish Date - 2022-10-15T03:19:37+05:30 IST
కొన్నిసార్లు జరిగే సంఘటనలు.. మన కళ్లను మనమే నమ్మలేని విధంగా ఉంటాయి. తీరా అసలు విషయం తెలుకునే వరకూ అంతా నిజమే అనేలా ఉంటుంది. ఇక స్నేహితులను ఒకరినొకరు ఆట..
కొన్నిసార్లు జరిగే సంఘటనలు.. మన కళ్లను మనమే నమ్మలేని విధంగా ఉంటాయి. తీరా అసలు విషయం తెలుకునే వరకూ అంతా నిజమే అనేలా ఉంటుంది. ఇక స్నేహితులను ఒకరినొకరు ఆట పట్టించుకునే క్రమంలో కూడా ఇలాంటి ఘటనలు జరుగుతుంటాయి. వివాహ సమయాల్లో వధూవరులను ఆటపట్టించడం, ప్రాంక్ వీడియోలు (Prank videos) చేస్తూ స్నేహితులను భయపెడుతుంటారు. ఇలాంటి వీడియోలు సోషల్ మీడియాలో తెగ వైరల్ అవుతుంటాయి. ప్రస్తుతం వైరల్ అవుతున్న వీడియో నెటిజన్లకు తెగ నవ్వు తెప్పిస్తోంది.
ఆఫ్రికాలో ఈ ఘటన చోటు చేసుకుంది. ఓ వ్యక్తి తన తోటలో చెత్తాచెదారాన్ని ఎత్తే పనిలో ఉంటాడు. అతన్ని ఆటపట్టించాలని స్నేహితులంతా అనుకుంటారు. ఓ డమ్మీ పామును తెచ్చి అతడికి తెలీకుండా పక్కన పెడతారు. చీపురుతో శుభ్రం చేస్తుండగా ఒక్కసారిగా పామును చూసి భయంతో పరుగులు పెడతాడు. రింగులు రింగులుగా ఉన్న డమ్మీ పాము అతడి కాళ్లకు చుట్టుకుంటుంది. దీంతో మరింత భయంతో అతను అక్కడి నుంచి అటూ ఇటూ తిరుగుతూ ఉరుకులు, పరుగులు పెడతాడు. తర్వాత అసలు విషయం తెలుసుకుని హమ్మయ్య.. అని ఊపిరి పీల్చుకుంటాడు. ఈ వీడియో ప్రస్తుతం తెగ వైరల్ అవుతోంది. దీనిపై నెటిజన్లు ఫన్నీ ఫన్నీగా కామెంట్లు పెడుతున్నారు.
