NBK: బాలయ్య ఉంగరాలకు బహుమతి.. ఇంట్రెస్టింగ్
ABN , First Publish Date - 2022-11-19T13:48:02+05:30 IST
నందమూరి నటసింహం బాలయ్య (Nandamuri Balakrishna) తాజాగా తన లైఫ్‌లో జరిగిన ఓ ఆసక్తికర విషయాన్ని రివీల్ చేశారు. తన చేతి ఉంగరాలను చూసి ప్రైజ్ ఇచ్చారని తెలిపారు..
నందమూరి నటసింహం బాలయ్య (Nandamuri Balakrishna) తాజాగా తన లైఫ్‌లో జరిగిన ఓ ఆసక్తికర విషయాన్ని రివీల్ చేశారు. తన చేతి ఉంగరాలను చూసి ప్రైజ్ ఇచ్చారని తెలిపారు. విశ్వక్ సేన్ (VishwakSen), నివేతా పేతురాజ్ (Nivetha Peturaj) జంటగా నటించిన చిత్రం ‘ధమ్కీ’ (Dhamki). ఈ చిత్ర ట్రైలర్ విడుదల కార్యక్రమం.. శుక్రవారం హైదరాబాద్‌లో జరిగింది. ఈ కార్యక్రమానికి ముఖ్య అతిథిగా హాజరై.. ట్రైలర్ విడుదల చేసిన బాలయ్య.. చిత్రయూనిట్‌కు తన ఆశీస్సులు అందించడమే కాకుండా.. తన లైఫ్‌లో జరిగిన ఒక ఇంట్రెస్టింగ్ విషయాన్ని ఈ వేదికపై తెలియజేశారు.
ఎటువంటి సినిమా బ్యాక్‌గ్రౌండ్ లేకుండా వచ్చి.. ఈ రోజు హీరోగా, దర్శకుడిగా, నిర్మాతగా గుర్తింపు పొందుతున్న విశ్వక్ సేన్‌ను ఉద్దేశిస్తూ.. ‘ఎవడికి ఎట్లా.. రాసి పెట్టి ఉందో.. ఎవడికీ తెలియదు..’ అని చెబుతూ.. బహుశా వాళ్ల నాన్న జాతకం చూసి ఏమైనా చెప్పారేమో అంటూ.. విశ్వక్ సేన్ చేతులు పరీక్షంచగా.. చేతికి ఉంగరాలేం లేకపోవడంతో.. ‘ఏవి.. ఉంగరాలు ఏమీ లేవేంటి?’ అని ప్రశ్నించారు. తర్వాత తన చేతులు చూపిస్తూ.. కొన్ని ఉంగరాలు ఇంటి దగ్గర పెట్టి వచ్చానని చెప్పారు. ఇక తన ఉంగరాల వెనుక ఉన్న అదృష్ణం గురించి చెబుతూ.. (Balakrishna about His Rings)
‘‘ఒకసారి నేను న్యూ ఇయర్ సందర్భంగా నా భార్యతో కలిసి గోవాకు వెళ్లాను. అప్పుడక్కడ ఎవరికి ఎక్కువ ఉంగరాలు ఉన్నాయనే కాంటెస్ట్ జరుగుతుంది. అందరి చేతులు పరీక్షిస్తున్నారు. నా రెండు చేతులకు ఉన్న ఉంగరాలను లెక్కపెట్టుకున్నారు. అలా అందరి చేతులకి ఉన్న ఉంగరాల లెక్కలు తర్వాత.. నేను గెలిచినట్లుగా ప్రకటించి.. నాకో ప్రైజ్ ఇచ్చారు. ఫ్రీ డెస్టినేషన్ ఆఫర్ ఇచ్చారు. 3 రోజులు బోర్డిండ్ అండ్ లాడ్జింగ్ ఫ్రీ అని.. అప్పట్లోనే దాదాపు రూ. 5వేల ఆఫర్ ఇచ్చారు. అప్పుడు నా భార్యతో అన్నాను.. ఎందుకు ఉంగరాలు అని అన్నావు కదా.. ఇప్పుడు చూడు ప్రైజ్ కొట్టాను అని చెప్పా’’.. అని బాలయ్య తన ఉంగరాల అదృష్ణాన్ని షేర్ చేసుకున్నారు. (Natasimha Balakrishna)
