Viral Video: ఈ మందుబాబు పాట్లు చూస్తే నవ్వాపుకోలేరు.. బైక్ ఎక్కేందుకు విశ్వప్రయత్నం.. చివరకు షాకింగ్ ట్విస్ట్..!

ఇంటర్నెట్ డెస్క్: ‘ఆల్కాహాల్.. ఆరోగ్యానికి హానికరం’ అనే హెచ్చరిక చదువుతూనే చాలా మంది దాన్ని సేవిస్తూ ఉంటారు. అంతా తమ కంట్రోల్‌లోనే ఉంటుందనుకోవడమే దీనికి కారణం. కానీ తాగాకే సీన్ రివర్సై.. మందు కంట్రోల్‌లోకి వెళ్తూ ఉంటారు. అలా ఆల్కాహాల్ కంట్రోల్‌లోకి వెళ్లిన ఓ ఇద్దరు వ్యక్తుల వీడియో ప్రస్తుతం నెట్టింట వైరల్‌గా మారింది. అది చూసి నెటిజన్లు కడుపుబ్బా నవ్వుకుంటున్నారు. ఈ నేపథ్యంలో ఇంతకూ ఏం జరిగిందనే వివరాల్లోకి వెళితే..

స్నేహితులు ఇద్దరూ కలిసి.. బైక్‌పై స్థానికంగా ఉన్న ఓ వైన్స్ వద్దకు వెళ్లారు. అక్కడ మద్యం బాటిళ్లను కొనుగోలు చేసి, వాటిని అక్కడే ఖాళీ చేసేశారు. అనంతరం అక్కడ నుంచి తిరుగుపయనం అయ్యారు. ఇద్దరిలో ఒక వ్యక్తి మాత్రం బైక్ వద్దకు బాగానే చేరుకున్నాడు. అంతేకాదు.. బైక్‌పై ఎక్కి కూర్చుని.. తన స్నేహితుడి రాక కోసం వెయిట్ చేశాడు. ఇంతలో కిక్కు బాగా ఎక్కడంతో అతడి స్నేహితుడు నానాపాట్లు పడుతూ బైక్ వద్దకు వచ్చేశాడు. అనంతరం బైక్ ఎక్కేందుకు మరిన్ని పాట్లు పడ్డాడు. కిందామీదా పడి ఎట్టకేలకు బైక్ ఎక్కేశాడు. ఇంతలో అంతకుమందే బైక్ ఎక్కి కూర్చున్న వ్యక్తి అదుపు తప్పాడు. దీంతో బైక్ మీద నుంచి ఇద్దరూ కింద పడిపోయారు. ఈ దృశ్యాలు అన్నీ స్థానికంగా ఉన్న సీసీ కెమెరాలో రికార్డు అవగా.. అవి కాస్తా నెట్టింటికి చేరాయి. సుమారు 53 సెకెన్లు ఉన్న వీడియోను చూసి నెటిజన్లు తెగ నవ్వుకుంటున్నారు.