వరంగల్ జిల్లా రాయపర్తి మండల కేంద్రంలోని భారతీయ స్టేట్ బ్యాంకు (ఎస్‌బీఐ)కు కొందరు ఖాతాదారులు తాళం వేసి, బ్యాంకు కార్యకలాపాలను అడ్డుకున్నారు. బ్యాంక్‌లో గత సంవత్సరం నవంబర్ 19న దుండగులు చోరీకి పాల్పడి 497 మందికి చెందిన సుమారు 16 కిలోలకుపైగా బంగారాన్ని దోచుకెళ్లారు. తమ బంగారాన్ని తిరిగి ఇవ్వాలని బాధితులు మొరపెట్టుకుంటున్నా.. బ్యాంక్ అధికారులు వాయిదా వేస్తూ వస్తున్నారు.
విశాఖపట్నంలోని రామానాయుడు స్టూడియోకు కేటాయించిన భూములు దుర్వినియోగం అయినట్లు ప్రభుత్వం గుర్తించింది. ఆ క్రమంలో 15.17 ఎకరాలు వెనక్కి తీసుకోవాలని నిర్ణయించింది. నిర్వాహకులకు షోకాజ్ నోటీసులు ఇవ్వాలని విశాఖపట్నం కలెక్టర్‌ను ఆదేశించింది. విశాఖ వేదికగా సినిమా పరిశ్రమను ప్రోత్సహించాలని ఉమ్మడి ఆంధ్రప్రదేశ్‌లోని నాటి టీడీపీ ప్రభుత్వం 2003లో బీమిలి బీచ్ రోడ్డులోని 34. 44 ఎకరాల భూమిని ఎస్‌పీ ప్రోడక్షన్‌కు కేటాయించింది.
తెలంగాణ రాజకీయాలు కంచ గచ్చిబౌలి చుట్టు నడుస్తున్నాయి. గతంలో భూముల విక్రయంపై బీఆర్ఎస్ పార్టీ ఏ స్టాండ్ తీసుకుంది. ప్రస్తుతం గచ్చిబౌలి భూ వివాదంపై అదే పార్టీకి చెందిన కేటీఆర్ ఏమన్నారు. కంచె గచ్చిబౌలిలోని 400 ఎకరాల వేలంపై హెచ్ సీ యూ విద్యార్థులు చేపట్టిన ఆందోళన పీక్ స్టేజ్‌కు చేరింది. ఓ వైపు విద్యార్థుల నిరసనలు ఉాదృతంగా కొనసాగుతూంటే.. మరోవైపు బీజేపీ, బీఆర్ఎస్ పార్టీల ఆందోళనతో ఇది పొలిటికల్ టర్న్ తీసుకుంది. దీంతో అధికార ప్రతిపక్ష పార్టీల మధ్య డైలాగ్ వార్ నడుస్తోంది.
డాలర్ డ్రీమ్స్ పూర్తిగా చెదిరిపోతున్నాయా? ట్రంప్ పాలనలో భారతీయ విద్యార్థుల పరిస్థితి ఏమిటి? అసలు కారణం చెప్పకుండా..స్టుడెంట్ వీసా రాగానే ఎందుకు తిరస్కరిస్తున్నారు.ట్రంప్ వచ్చాక.. అమెరికా కండ కావరం పెరిగిందా? అమెరికాలో చదువుకోవాలనేది చాలా మంది విద్యార్థులకు ఒక కల.
సీఎం చంద్రబాబుతో వంగవీటి రాధా భేటీ అయ్యారు. ఇటీవల ఎమ్మెల్సీల జాబితాలో వంగవీటి రాధా పేరు లేదు. దీంతో ఆయన అనుచర వర్గం తీవ్ర అసంతృప్తి వ్యక్తం చేసింది. ఈ నేపథ్యంలో సీఎం చంద్రబాబును వంగవీటి రాధా కలవడం ప్రాధాన్యత సంతరించుకొంది. 2019లో.. అది ఎన్నికల సమయంలో వైసీపీ అధినేత వైఎస్ జగన్‌తో రాధా విబేధించారు. దీంతో ఆయన టీడీపీలో చేరారు.
ఇటీవల రాజమండ్రిలో మరణించిన పాస్టర్ పగడాల ప్రవీణ్ అంశంలో నిజాలు వెలుగులోకి రావాలని పాస్టర్లు ఆకాంక్షించారు ప్రవీణ్ మరణించిన నాటి నుంచి తామంతా బాధపడుతున్నామన్నారు. మంచి సేవకుడిని, మంచి మిత్రుడిని తాము కోల్పోయామని వారు ఆవేదన వ్యక్తం చేశారు. ఈ వ్యవహారంలో ప్రజల స్పందించిన తీరు అంతా చూశారన్నారు. క్రైస్తవులు నిద్రిస్తున్న సింహాలను అభివర్ణించారు. మేము శాంతిని,సమాధానాన్ని కోరుకుంటామన్నారు. అనవసరంగా తమను రెచ్చగొడితే.. నష్టపోయేది మేము కాదని మీరేనని రాజమండ్రిలోని పాస్టర్లు తెలిపారు.
ఉగాది సందర్భంగా ఆంధ్రప్రదేశ్ ప్రభుత్వం ఉగాది పురస్కారాలను అందిస్తోంది. ఈ కార్యక్రమం విజయవాడలో నిర్వహిస్తోంది. సీఎం చంద్రబాబు కార్యక్రమంలో పాల్గొన్నారు. ప్రత్యక్ష ప్రసారంలో కార్యక్రమాన్ని వీక్షించండి
ట్రంప్‌ను ప్రధాని నరేంద్ర మోదీ ఫాలో అవుతున్నారా? అమెరికాలో వలే.. మన దేశంలో సైతం అక్రమ వలసదారులపై ఉక్కుపాదం మోపుతారా? కొత్త వలసల బిల్లు ఏం చెబుతోంది. భారత్ ఏమి ధర్మశాల కాదు.
తాము అవినీతి చేసి ఉంటే.. చికెట్ రేట్ పెంచుతాం కానీ ఎందుకు తగ్గిస్తామని టీడీపీ ఎమ్మెల్యే భూమా అఖిల ప్రియ ప్రశ్నించారు. తన మాటలు రాష్ట్రంలోని ప్రజలు నమ్మక పోయినా ఫర్వాలేదు కానీ.. ఆళ్లగడ్డలో తనను నమ్మి ఓటు వేసిన వారు నమ్మితే చాలన్నారు. గత ప్రభుత్వ హయాంలో చికెన్ కేజీ రేట్ ఎంత ఉంది.
ఎన్టీఆర్ జిల్లా తిరువురు ఎమ్మెల్యే కొలికిపూడి శ్రీనివాసరావు నివాసం ఎదుట గిరిజన మహిళలు గురువారం ఆందోళనకు దిగారు. టీడీపీకి చెందిన ఏఎమ్‌సీ మాజీ చైర్మన్ రమేష్ రెడ్డి ని పార్టీ నుంచి బహిష్కరించాలని డిమాండ్ చేశారు. లైంగిక ఆరోపణల నేపథ్యంలో రమేష్ రెడ్డిపై చర్యలు తీసుకోవాలని ఎమ్మెల్యేను వారు కోరారు. ఈ విషయంపై ఎమ్మెల్యే శ్రీనివాసరావు మాట్లాడుతూ.. ఈ అంశాన్ని పార్టీ అధిష్టానం దృష్టికి తీసుకు వెళ్లినట్లు తెలిపారు. ఈ విషయంలో టీడీపీ చర్యలు తీసుకోకుంటే 48 గంటల్లో తన ఎమ్మెల్యే పదవికి రాజీనామా చేస్తానని ఆయన ప్రకటించారు.
