Mega Star Chiranjeevi: మాస్ పాట, బాస్ ఆట అదిరింది
ABN , First Publish Date - 2022-11-23T16:25:17+05:30 IST
మెగా స్టార్ చిరంజీవి నటిస్తున్న 'వాల్తేరు వీరయ్య' సినిమా సంక్రాంతికి విడుదల అవుతున్న సంగతి తెలిసిందే. అయితే ఇందులో ముందుగా ఈరోజు అంటే నవంబర్ 23న ఆ సినిమాలోంచి ఒక లిరికల్ పాటను విడుదల చేశారు.
మెగాస్టార్ చిరంజీవి (MegaStar Chiranjeevi) నటిస్తున్న 'వాల్తేరు వీరయ్య' (Waltair Veerayya) సినిమా సంక్రాంతి (Sankranthi)కి విడుదల అవుతున్న సంగతి తెలిసిందే. అయితే ఇందులో ముందుగా ఈరోజు అంటే నవంబర్ 23న ఆ సినిమాలోంచి ఒక లిరికల్ పాటను విడుదల చేశారు. దేవి శ్రీ ప్రసాద్ (Devi Sri Prasad) సంగీతం సమకూర్చడమే కాకుండా, ఈ పాటను కూడా అతనే రాయడం విశేషం. 'బాస్ పార్టీ' (Boss Party)అనే ఈపాట లో చిరంజీవి వేసిన చిన్న చిన్న డాన్స్ మూమెంట్స్ చూపించారు. చిరంజీవిని బాస్ అని కూడా అంటూ వుంటారు, అలాంటిది ఈ పాటలో బాస్ పార్టీ అనటం, బాస్ అసలు చిందులు వెయ్యటం, అభిమానులకే కాకుండా, అశేష తెలుగు ప్రజానీకాన్ని తన డాన్స్ లతో సంక్రాంతి పండగను మరింత కన్నుల పండగగా చిరంజీవి ఈ సినిమాతో అలరించనున్నారని అర్థం అవుతోంది ఈ పాట చూస్తుంటే.
చాలా ఇయర్స్ తరువాత, చిరంజీవిని ఒక మాస్ అవతారం లో ఈ సినిమాలో చూస్తాం అన్నట్టుగా వుంది. అలాగే దర్శకుడు బాబీ, చిరంజీవి ని ఈ సినిమాలో చాలా కొత్తగా చూపించాడు అని కూడా అర్థం అవుతోంది. శేఖర్ మాస్టర్ (Sekhar Master) ఈ పాటకి కొరెయాగ్రఫీ చేసాడు, అలాగే దేవి శ్రీ ప్రసాద్ మరో సారి తన సంగీత ప్రతిభని చూపించి, చిరంజీవి అభిమానులకి ఎలాంటి సంగీతం అవసరమో అలానే అందించాడు. ఏమైనా, ఈసారి చిరంజీవి (Chiranjeevi) సంక్రాంతికి తెలుగు ప్రజానీకాన్ని ఉర్రూత లూగిస్తారని అనడంలో సందేహం లేదు. ఈ పాత విన్నాక, సినిమాలో ఇంకా చిరంజీవి ని ఫుల్ మాస్ లో చూసే అవకాశం వుంది అని కూడా అర్థం అవుతోంది. మాస్ పాటకి, బాస్ డాన్స్ లు అదిరాయి. బాస్ ఈస్ బ్యాక్! (Waltair Veerayya Boss Party Song)
