Pushpa 2: క్రేజీ అప్‌డేట్‌.. అది పాత ఫొటోనే!

అల్లు అర్జున్‌(Allu arjun), రష్మిక మందన్నా(Rashmika mandanna) జంటగా సుకుమార్‌ దర్శకత్వం వహిస్తున్న ‘పుష్ప 2’ (Pushpa 2)చిత్రం త్వరలో సెట్స్‌ మీదకు వెళ్లడానికి సర్వం సిద్ధమైనట్లు తెలుస్తోంది. సెప్టెంబర్‌ రెండోవారంలో బ్యాంకాక్‌లో కీలక సన్నివేశాల (Pushpa 2 update) చిత్రీకరణతో రెగ్యులర్‌ షూటింగ్‌ మొదలు కావాల్సింది. అనివార్య కారణాల వల్ల ఆలస్యమైంది. తాజాగా ఓ ఫొటో నెట్టింట హల్‌చల్‌ చేయడంతో చిత్రీకరణ మొదలెందనుకుంటున్నారంతా. కెమెరామెన్‌ మిరోస్లా కుబా బ్రోజెక్‌ బన్నీకి సన్నివేశాన్ని వివరిస్తున్న ఫోటో ఒకటి ఆదివారం సోషల్‌ మీడియాలో వైరల్‌ అయింది. ఈ ఫొటో ఆధారంగా అభిమానులంతా షూటింగ్‌ మొదలైందని భావిస్తున్నారు. అయితే ఆ ఫొటో ‘పుష్ప–1’ సెట్‌లో ఫొటో అని తెలిసింది. ప్రస్తుతం అల్లు అర్జున్‌, సుకుమార్‌ హైదరాబాద్‌లోనే ఉన్నారు. తాజా సమాచారం ప్రకారం త్వరలోనే ఈ చిత్రం సెట్‌ మీదకెళ్లనుందని, తొలి షెడ్యూల్‌ పొలాచ్చిలో ప్లాన్‌ చేశారని తెలుస్తోంది. వింటర్‌ సీజన్‌ కావడంతో క్లైమేట్‌కు అనుకూలంగా ఉంటే సన్నివేశాలను చిత్రీకరించా, ఆ తర్వాత షెడ్యూల్‌ రాజమండ్రి, మారేడుమిల్లి ప్రాంతంలో చిత్రీకరిస్తారట. ‘పుష్ప’ప్యాన్‌ ఇండియా స్థాయిలో భారీ విజయం సాధించడంతో ‘పుష్ప2’పై భారీ అంచనాలు ఏర్పడ్డాయి. దీనితో సుకుమార్‌ మరింత జాగ్రత్త తీసుకుని కథలో మార్పులు, చేర్పులు చేశారట. . మైత్రీ మూవీ మేకర్స్‌ పతాకంపై నవీన్‌ ఎర్నేని, వై. రవిశంకర్‌ ఈ సినిమా నిర్మిస్తున్నారు.