Viral Video: ఈ పాము నటనకు ఆస్కార్ ఇచ్చినా తక్కువే!

ఇంటర్నెట్ డెస్క్: సాధారణంగా పాము కంట పడగానే మనం అక్కడి నుంచి పరుగులు తీస్తాం. పాములు కూడా అంతే.. ప్రమాదం అని భావిస్తే భయంతో అవి అక్కడి నుంచి పరుగులు తీస్తాయి. కానీ కొన్ని పాములు మాత్రం.. శత్రువుల నుంచి తప్పించుకోవడానికి నటిస్తాయి. వినడానికి వింతగా అనిపించినా ఇది నిజం. అటువంటి ఓ పాముకు సంబంధించిన వీడియో నెట్టింట వైరల్‌గా మారింది. ఈ క్రమంలో అందుకు సంబంధించిన పూర్తి వివరాల్లోకి వెళితే..

సోషల్ మీడియాలో వైరల్ అవుతున్న వీడియోలోని దృశ్యాల ప్రకారం.. నల్లటి మచ్చలతో బూడిద రంగులో ఉన్న ఓ పామును ఓ వ్యక్తి తాకగానే అది చనిపోయినట్టు (fake death)నటించింది. వెల్లకిలా పడుకుని నోరు తెరిచేసింది. దాన్ని ఎన్నిసార్లు తాకినా ఆ పాము అలాగే ప్రవర్తిస్తోంది. దీంతో ఆ వ్యక్తి పాముకు సంబంధించిన దృశ్యాలను వీడియో తీసి సోషల్ మీడియాలో పోస్ట్ చేశాడు. ఈ నేపథ్యంలో ఆ వీడియోకాస్తా వైరల్‌గా మారింది. ఈ క్రమంలో స్పందిస్తున్న నెటిజన్లు రకరకాలుగా కామెంట్స్ చేస్తున్నారు. కాగా.. వీటిని హోగ్నోస్ స్నేక్స్ అంటారట. ఉత్తర అమెరికా ప్రాంతంలో ఎక్కువ కనిపిస్తాయట. శత్రువుల నుంచి తప్పించుకోవడానికి చనిపోయినట్టు నటించి.. ఒక రకమైన దుర్గంధాన్ని విడుదల చేస్తుందట. ఇలా చేయడం వెనక కూడా ఒక బలమైన కారణం ఉందట. అది చనిపోయిన చాలా కాలం అయిందని శత్రువులు భావించాలనే ఆ పాములు అలా చేస్తాయట.