Virat Kohli Villa: కోహ్లీ-అనుష్కల విలాసవంతమైన విల్లా చూశారా? దాని ధర ఎంత ఉండొచ్చంటే..
ABN , First Publish Date - 2022-11-23T19:01:51+05:30 IST
టీమిండియా స్టార్ క్రికెటర్ విరాట్ కోహ్లీ, అతని భార్య అనుష్క శర్మ కోవిడ్ సమయంలో అలీబాగ్‌కు సమీపంలోని జిరాద్ గ్రామంలో కొన్ని రోజులు విశ్రాంతిగా గడిపారు. అక్కడి సముద్ర తీరానికి, నిశ్శబ్ద వాతావరణానికి ముగ్ధులైపోయారు. వీకెండ్స్‌లో అక్కడకు రావడానికి ఓ విల్లాను నిర్మించుకోవాలని అనుకున్నారు.
టీమిండియా స్టార్ క్రికెటర్ విరాట్ కోహ్లీ, అతని భార్య, బాలీవుడ్ నటి అనుష్క శర్మ దంపతులు మరో ఖరీదైన ప్రాపర్టీని తమ స్వంతం చేసుకున్నారు. 2020 కోవిడ్ సమయంలో, కోహ్లీ, అనుష్క మహారాష్ట్రలోని అలీబాగ్‌కు సమీపంలోని జిరాద్ గ్రామంలో కొన్ని రోజులు విశ్రాంతిగా గడిపారు. అక్కడి సముద్ర తీరానికి, నిశ్శబ్ద వాతావరణానికి ముగ్ధులైపోయారు. వీకెండ్స్‌లో అక్కడకు రావడానికి ఓ విల్లాను నిర్మించుకోవాలని అనుకున్నారు. ఆ బాధ్యతను ఆవాస్ వెల్నెస్ సంస్థకు అప్పగించారు. ఆ సంస్థకు కోహ్లీ బ్రాండ్ అంబాసిడర్‌గా కూడా ఉన్నాడు.
తన విల్లా ఎలా ఉండాలో ఆవాస్ సంస్థకు కోహ్లీ స్పష్టంగా వివరించాడు. కోహ్లీ, అనుష్కల అభిరుచులకు అనుగుణంగా ఆ విల్లా రూపొందింది. ప్రశాంతత, ఆహ్లాదకర అనుభూతిని కలిగించే పచ్చదనంతో పాటు, ఆధునిక, క్లాసిక్ శైలిలో ఇంటీరియర్ డిజైనింగ్ ఉండాలని కోహ్లీ సూచించాడు. కోహ్లీ సూచన మేరకు అలీబాగ్‌కు సమీపంలో విలాసవంతమైన విల్లా సిద్ధమైంది. నాలుగు బెడ్‌రూమ్‌లు, రెండు కవర్ కార్ గ్యారేజీలు, పౌడర్ రూమ్‌లు, నాలుగు బాత్‌రూమ్‌లు, టెర్రస్, అవుట్‌డోర్ డైనింగ్, ఒక స్విమ్మింగ్ పూల్, లాన్, స్టాఫ్ క్వార్టర్స్ ఆ విల్లాలో ఉన్నాయి. ఆ విల్లా ఖరీదు దాదాపు 13 కోట్ల రూపాయలు అని తెలుస్తోంది.
