Team India: సూపర్-12లో తిరుగులేని టీమిండియా

మెల్‌బోర్న్: టీ20 ప్రపంచకప్‌లో భాగంగా నేడు (ఆదివారం) జింబాబ్వేతో జరిగిన మ్యాచ్‌లో ఘన విజయం సాధించిన భారత జట్టు మరో రికార్డును సొంతం చేసుకుంది. సూపర్-12 దశలో అత్యధిక విజయాలు సాధించిన జట్టుగా రికార్డు సృష్టించింది. మొత్తం ఐదు మ్యాచుల్లో నాలుగు విజయాలు సాధించింది. గ్రూప్-1లో అగ్రస్థానంలో ఉన్న న్యూజిలాండ్ ఐదింటిలో మూడు మ్యాచ్‌లు గెలవగా, రెండో స్థానంలో ఉన్న ఇంగ్లండ్ కూడా అన్నే మ్యాచ్‌ల్లో విజయం సాధించింది.

గ్రూప్‌లో ఇండియా ఒక్క మ్యాచ్‌లో ఓడిపోయి నాలుగింటిలో విజయం సాధించగా, రెండో స్థానంలో ఉన్న పాకిస్థాన్ మూడు మ్యాచుల్లో విజయం సాధించి రెండింటిలో ఓటమి పాలైంది. ఇక గ్రూప్‌-2లో టాపర్‌గా ఉన్న ఇండియా గ్రూప్-1లో రెండో స్థానంలో ఉన్న ఇంగ్లండ్‌తో సెమీస్‌లో తలపడనుండగా, న్యూజిలాండ్-పాకిస్థాన్ జట్లు సెమీస్‌లో తలపడతాయి. ఫైనల్ మ్యాచ్ ఈ నెల 13న ఎంసీజీలో జరుగుతుంది.